ഐ ലീഗിലെ ഗോകുലത്തിന്റെ വിജയക്കുതിപ്പിന് അവസാനം. വിജയം ഉറപ്പിച്ചിരുന്ന ഗോകുലത്തെ കളി അവസാനിക്കാൻ നിമിഷങ്ങൾ ബാക്കി ചർച്ചിൽ സമനിലയിൽ കുരുക്കി.തുടക്കം മുതലെ മികച്ച പ്രകടനം നടത്തിയ ഗോകുലത്തിന് സമനില തിരിച്ചടിയായി.

മത്സരത്തിന്റെ 72ആം മിനിറ്റിൽ കിസേക്കയാണ് ഗോകുലത്തിന്റെ ഗോൾ നേടിയത്. നിരവധി അവസരങ്ങൾ പിന്നീടും ഗോകുലത്തിന് ലഭിച്ചെങ്കിലും ലക്ഷ്യത്തിലെത്തിക്കാനായില്ല. എന്നാൽ കളി അവസാനിക്കാൻ നിമിഷങ്ങൾ ബാക്കി നിൽക്കെ ഫ്രാൻസിസ് ഒന്യേമ ചർച്ചിലിന്റെ സമനില ഗോൾ നേടി. നിലവിൽ പോയിന്റ് പട്ടികയിൽ ഏഴാം സ്ഥാനത്താണ് ഗോകുലം.