ഐഎസ്എല്ലിൽ ബ്ലാസ്റ്റേഴ്സിന്റെ ഭാവി ഇന്നറിയാം. ഇന്ന് വൈകിട്ട് നടക്കുന്ന ജംഷഡ്പൂര്‍ -ബെംഗളരൂ മത്സരത്തെ ആശ്രയിച്ചാണ് ബ്ലസ്റ്റേഴ്സിന്റെ മുന്നോട്ടുള്ള യാത്ര. രണ്ട് മത്സരങ്ങൾ അവശേഷിക്കുന്ന ജംഷഡ്പൂരിന് ഇന്നത്തെ മത്സരം വിജയിച്ചാൽ സെമി പ്രതീക്ഷ ഏറെക്കുറെ ഉറപ്പിക്കാം.

നിലവിൽ സെമി ബെർത്ത് ഉറപ്പിച്ച ഏക ടീമാണ് ബെംഗളരൂ. ഗോവയും ബ്ലാസ്റ്റേഴ്സിന് ഭീഷണിയാണ്. മൂന്ന് മത്സരങ്ങൾ അവശേഷിക്കുന്ന ഗോവക്ക് ഒരു തോൽവി സെമി പ്രതീക്ഷ അവസാനിപ്പിക്കും.ജംഷഡ്പൂര്‍, ഗോവ, മുംബൈ എന്നീ മൂന്ന് ടീമുകളുടെ പ്രകടനത്തെ അടിസ്ഥാനമാക്കിയാണ് ബ്ലാസ്റ്റേഴ്സിന്റെ പ്ലേ ഓഫ് സാധ്യതകൾ.

വളരെ നിർണ്ണായകമായ കഴിഞ്ഞ മത്സരത്തിൽ സമനിലയിൽ കുടുങ്ങിയതാണ് ബ്ലാസ്റ്റേഴ്‌സിന്റെ സെമി പ്രതീക്ഷകൾക്ക് തിരിച്ചടിയായത്. നിരവധി അവസരങ്ങൾ ലഭിച്ചിട്ടും ഒന്നും ലക്ഷ്യത്തിലെത്തിക്കാൻ ബ്ലാസ്റ്റേഴ്സിനായില്ല.