സൂപ്പർ താരം നെയ്മറിന് ഗുരുതര പരിക്ക്; നിർണ്ണായക മത്സരത്തിൽ കളിക്കാനിടയില്ല
പിഎസ്ജിയുടെ സൂപ്പർ താരം നെയ്മര്ക്ക് പരിക്ക്. ലീഗ് വണ്ണില് മാഴ്സെല്ലെയുമായുള്ള മത്സരത്തിനിടെയാണ് താരത്തിന് പരിക്കേറ്റത്. കാലിന് പരിക്കേറ്റ് മൈതാനത്ത് വീണ് വേദനകൊണ്ട് പൊട്ടികരഞ്ഞ താരത്തെ സ്ട്രെച്ചറിലാണ് പുറത്തേക്ക് കൊണ്ടു പോയത്. പരിക്ക് ഗുരുതരമായതിനാൽ ഒരാഴ്ചയിലധികം വിശ്രമം വേണ്ടിവരും.
അടുത്ത മാസം ആറിന് ചാംപ്യന്സ് ലീഗില് റയല് മാഡ്രിഡിനെതിരേ നിര്ണായക മത്സരത്തിനിറങ്ങാനിരിക്കുന്ന പിഎസ്ജിക്ക് സൂപ്പർ താരത്തിന്റെ പരിക്ക് കനത്ത തിരിച്ചടിയായി. എന്നാൽ ആദ്യ പരിശോധനയിൽ പരിക്ക് അത്ര ഗുരുതരമല്ലെന്ന് പിഎസ്ജി പരിശീലകന് ഉനയ് എംറി വ്യക്തമാക്കി. എന്നാൽ കൂടുതൽ പരിശോധനകൾക്ക് ശേഷമേ പരിക്കിനെക്കുറിച്ച് വ്യക്തമാകൂവെന്നും അദ്ദേഹം പറഞ്ഞു.
മത്സരത്തിന്റെ 86ാം മിനിറ്റിലാണ് നെയ്മര്ക്ക് പരിക്കേറ്റത്. മത്സരത്തിൽ പിഎസ്ജി 3-0ത്തിന് മാര്സെയെ തോല്പിച്ചു. പരിക്ക് ഗുരുതരമല്ലെങ്കിൽ അടുത്ത ഒന്പത് ദിവസത്തിനുള്ളില് താരം ടീമിൽ മടങ്ങിയെത്തുമെന്ന് പരിശീലകൻ അറിയിച്ചു.
https://www.facebook.com/Malayalivartha