മഞ്ഞപ്പട മങ്ങുന്നു; ജാക്കിചന്ദിന് പിന്നാലെ മിലൻ സിംഗും ബ്ലാസ്റ്റേഴ്സ് വിടുന്നു
സൂപ്പർ കപ്പിന് തയാറെടുക്കുന്ന കേരളബ്ലാസ്റ്റേഴ്സിന് വീണ്ടും തിരിച്ചടി. ബ്ലാസ്റ്റേഴ്സിന്റെ മിഡ്ഫീൽഡറായ മിലൻ സിംഗ് മുംബൈ സിറ്റിയിലേക്ക് ചേക്കേറുകയാണ്. നേരത്തെ ജാക്കിചാന്ദ് സിംഗ് എഫ്സി ഗോവയുമായി രണ്ട് വർഷത്തെ കരാറിൽ ഏർപ്പെട്ടെന്ന് റിപ്പോർട്ടുകൾ പുറത്തുവന്നിരുന്നു.
തുടർച്ചയായി ബ്ലാസ്റ്റേഴ്സിന്റെ പ്രമുഖ ഇന്ത്യൻ താരങ്ങൾ ടീമിനെ കൈവിടുന്നത് കനത്ത തിരിച്ചടിയാണ്. മിലൻ സിംഗിന് പിന്നാലെ സെനെ റാള്ട്ടെ, സൗവിക്ക് ചക്രവര്ത്തി, ബിപിന് സിങ് തുടങ്ങിയവരും മുംബൈയുമായി കരാര് ഒപ്പിട്ടു കഴിഞ്ഞതായാണ് വിവരം.
അതേസമയം കൂടുതൽ കൂറുമാറ്റ വാർത്തകൾ പുറത്തു വരുന്നുണ്ട്. നോര്ത്ത് ഈസ്റ്റ് സൂപ്പര്തരാം സെയ്മിന്ലെന് ഡംഗല് അടുത്ത മൂന്ന് സീസണുകളില് ബ്ലാസ്റ്റേഴ്സിനൊപ്പം ചേരുമെന്നാണ് റിപ്പോര്ട്ടുകള്. ഗോവൻ താരം നാരായണ് ദാസ് ഡല്ഹിയിലേക്കും പ്രണോയ് ഹാള്ഡര് എടികെയിലേക്കും കൂറുമാറിയേക്കും.
https://www.facebook.com/Malayalivartha