ഐ എസ് എൽ നാലാം സീസണിലെ ആദ്യ സെമി ഫൈനലിൽ പൂനെ സിറ്റി ബെംഗളൂരു എഫ് സിയെ നേരിടും. പൂനെയുടെ സ്വന്തം ഗ്രൗണ്ടായ ശ്രീ ശിവ് ഛത്രപതി സ്പോർട്സ് കോംപ്ലക്സിൽ വെച്ചാണ് മത്സരം. സീസണിൽ ഏറ്റവും മികച്ച ഫോമിലുള്ള ബെംഗളൂരു എഫ് സിയെ തളയ്ക്കാൻ പൂനെ സിറ്റിക്ക് എളുപ്പമായിരിക്കില്ല.

ലീഗ് ഘട്ടത്തിൽ ബെംഗളുരുവിനെ തോൽപ്പിക്കാൻ പൂനെയ്ക്ക് കഴിഞ്ഞിരുന്നില്ല. ആദ്യ മത്സരത്തിൽ 3-1 ന് തോറ്റ പൂനെ രണ്ടാം മത്സരത്തിൽ 1-1 ന് സമനില പിടിച്ചിരുന്നു. അവസാനം കളിച്ച എട്ടു മത്സരങ്ങളിൽ തോൽവിയറിയാതെയാണ് ബെംഗളൂരു പൂനെയെ നേരിടുന്നത്. അതിൽ ഏഴ് മത്സരങ്ങളും അവർ ജയിക്കുകയും ചെയ്തിരുന്നു.

മികച്ച ഫോമിലുള്ള മികുവിലും ഛേത്രിയിലുമാണ് ബെംഗളൂരുവിന്റെ പ്രതീക്ഷകൾ. മികു ലീഗ് ഘട്ടത്തിൽ 14 ഗോൾ നേടിയപ്പൾ ഛേത്രി 10 ഗോൾ സ്വന്തമാക്കി.