ഇന്ത്യന്‍ സൂപ്പര്‍ ലീഗിലെ ആദ്യസെമിയുടെ ഒന്നാം പാദത്തില്‍ ബംഗളൂരു എഫ്.സി പൂനെ സിറ്റി എഫ്.സി മത്സരം ഗോള്‍ രഹിത സമനിലയില്‍
ഇന്ത്യന്‍ സൂപ്പര്‍ ലീഗിലെ ആദ്യസെമിയുടെ ഒന്നാം പാദത്തില്‍ ബംഗളൂരു എഫ്.സി പൂനെ സിറ്റി എഫ്.സി മത്സരം ഗോള്‍ രഹിത സമനിലയില്‍ പിരിഞ്ഞു. പൂനെയുടെ തട്ടകമായ ശിവ് ഛത്രപതി സ്‌റ്റേഡിയത്തില്‍ നടന്ന മത്സരത്തില്‍ ഇരു ടീമുകള്‍ക്ക് ഗോള്‍ നേടാന്‍ നിരവധി അവസരങ്ങള്‍ ലഭിച്ചെങ്കിലും ഗോളാക്കി മാറ്റാന്‍ സാധിച്ചില്ല. ഇവര്‍ തമ്മിലുള്ള രണ്ടാംപാദ സെമിഫൈനല്‍ ഞായറാഴ്ച ബംഗളൂരുവില്‍ നടക്കും.
ശനിയാഴ്ച മഡ്ഗാവില്‍ വച്ച് നടക്കുന്ന മറ്റൊരു ആദ്യപാദ സെമിഫൈനല്‍ മത്സരത്തില്‍ എഫ്.സി. ഗോവ ചെന്നൈയിന്‍ എഫ്.സിയെ നേരിടും. വരുന്ന ചൊവ്വാഴ്ചയാണ് ഇവര്‍ തമ്മിലുള്ള രണ്ടാംപാദ സെമി ഫൈനല്‍. ഈ സീസണില്‍ ഐ.എസ്.എല്ലിലേക്ക് കടന്നുവന്ന ടീമാണ് ഇന്ത്യന്‍ ക്യാപ്ടന്‍ സുനില്‍ ഛെത്രി നയിക്കുന്ന ബംഗ്‌ളൂരു എഫ്.സി. മുമ്പ് ഐ ലീഗ് ചാമ്പ്യന്‍മാരായിരുന്നു. ആല്‍ബര്‍ റോക്ക പരിശീലിപ്പിക്കുന്ന ടീം. ആദ്യ സീസണ്‍ മുതല്‍ ഐ.എസ്.എല്ലില്‍ കളിക്കുന്ന പൂനെ സിറ്റി ആദ്യമായാണ് നോക്കൗട്ട് റൗണ്ടിലേക്ക് യോഗ്യത നേടുന്നത്.
https://www.facebook.com/Malayalivartha
