സന്തോഷ് ട്രോഫി: ബംഗാളിനെ വീഴ്ത്തി കേരളം ഗ്രൂപ്പ് ചാമ്പ്യന്മാർ
സന്തോഷ് ട്രോഫി ടൂർണമെന്റ് ഗ്രൂപ്പ് ഘട്ടത്തിലെ അവസാന മത്സരത്തിൽ കേരളത്തിന് വിജയം. മത്സരം അവസാനിക്കാൻ നിമിഷങ്ങൾ മാത്രം ബാക്കി നിൽക്കെ രാഹുല് കെ പി നേടിയ ഗോളിലൂടെയാണ് കേരളം ബംഗാളിനെ തോൽപിച്ചത്. 89ആം മിനിറ്റിലായിരുന്നു കേരളത്തിന്റെ വിജയ ഗോൾ പിറന്നത്.
ഗ്രൂപ്പ് ഘട്ടത്തിൽ ഇരു ടീമുകളും മൂന്ന് കളികൾ വിജയിച്ച് സെമി ബെർത്ത് ഉറപ്പാക്കിയിരുന്നു. വിജയത്തോടെ ഗ്രൂപ്പ് ഘട്ടത്തിലെ എല്ലാ മത്സരങ്ങളും വിജയിച്ചാണ് കേരളം സെമി ഫൈനലിന് ഇറങ്ങുന്നത്. 30ആം തീയതി നടക്കുന്ന ആദ്യ സെമിയില് ഗ്രൂപ്പ് ബിയിലെ രണ്ടാം സ്ഥാനക്കാരെ കേരളം നേരിടും.
https://www.facebook.com/Malayalivartha