കഴിഞ്ഞ തവണ അവസാന നിമിഷം വഴുതിപ്പോയ ലോകകിരീടം ഇത്തവണ തിരിച്ചുപിടിച്ചാലും ഇല്ലെങ്കിലും റഷ്യൻ ലോകകപ്പിൽ ഏറ്റവും വലിയ സമ്മർദം നേരിടുന്ന താരം മെസ്സി തന്നെയാണ്. കാരണം ഈ ലോകകപ്പാണ് മെസ്സിയുടെ കരിയറിന്റെ വിധിയെഴുതുന്നത്.

റഷ്യയിലേയ്ക്കുള്ള യാത്രയിലാണ് മെസ്സി വിരമിക്കലിനെക്കുറിച്ച് മനസ്സ് തുറന്നത്. എനിക്കറിയില്ല. റഷ്യയിലെ ലോകകപ്പ് എങ്ങനെ അവസാനിക്കുന്നു എന്നതിനെ ആശ്രയിച്ചാവും ആ തീരുമാനം ഉണ്ടാവുക-വിരമിക്കലിനെ കുറിച്ചുള്ള ചോദ്യത്തിന് മെസ്സിയുടെ മറുപടി ഇതായിരുന്നു.

ഞങ്ങൾ മൂന്ന് ലോകകപ്പിന്റെ ഫൈനലിൽ തോറ്റിട്ടുണ്ട്. എന്നാൽ ഇയൊരു കാര്യത്തിൽ ഒരു ലോകകപ്പിന്റെ ഫൈനലിലെത്തുന്നതിനെ കുറിച്ച മനസ്സിലാക്കാനാവാത്ത അർജന്റീനയിലെ മാധ്യമങ്ങളുമായി അഭിപ്രായവ്യത്യാസങ്ങളുണ്ട്. ലോകകപ്പ് നേടുക എന്നതാണ് പ്രധാനം. എന്നാൽ മൂന്ന് ലോകകപ്പുകളുടെ ഫൈനലിലെത്തുക എന്നത് എളുപ്പമുള്ള കാര്യമല്ല. അതിനെ ശ്ലാഘിക്കുകയാണ് വേണ്ടത്. ഏതൊരു രാജ്യവും സ്വന്തമാക്കാൻ ആഗ്രഹിക്കുന്ന നിരവധി മികവുറ്റ താരങ്ങള്ൾ നമുക്കുണ്ട് എന്നായിരുന്നു ലോകകപ്പിലെ അർജന്റീനയുടെ സാധ്യതകളുെക്കുറിച്ചുള്ള ചോദ്യത്തിനുള്ള മെസ്സിയുടെ മറുപടി.