ഐസ്ലന്ഡുകാര്ക്ക് വിജയത്തിന് തുല്യമായ സമനില; അര്ജന്റീനയ്ക്ക് വിനയായത് ഐസ്ലന്ഡുകാരുടെ ഉയരവും പ്രതിരോധക്കോട്ടയും
ലോകത്തെ ഏറ്റവും മികച്ച കളിക്കാരന് ഒപ്പമുണ്ടായിട്ടും അര്ജന്റീനയ്ക്ക് ഒന്നും ചെയ്യാനായില്ല എന്നതു തന്നെയാണ് ആരാധകരെ നിരാശരാക്കിയക്. തൊട്ടതെല്ലാം പിഴച്ച ലയണല് മെസി പെനാല്റ്റി പാഴാക്കുന്നത് മത്സരത്തിലുടനീളം കണ്ടു. സ്വതസിദ്ധമായ ഇടംകാലന് ഷോട്ടുകള് പിറന്നെങ്കിലും അവയൊന്നും ലക്ഷ്യത്തിലെത്താതെ അകന്നുപോയത് അര്ജന്റീനന് ആരാധകര്ക്ക് നിരാശ സമ്മാനിച്ചു.
മെസി പെനാല്റ്റി പാഴാക്കിയത് അര്ജന്റീനയ്ക്ക് കനത്ത തിരിച്ചടിയായി. ഒരുപക്ഷേ അത് ഗോളാക്കിയിരുന്നെങ്കില് കൂടുതല് ഗോളുകള് നേടി അര്ജന്റീന മികച്ച മാര്ജിനില് ജയിക്കുമായിരുന്നു. കൌണ്ടര് അറ്റാക്കിലൂടെയാണ് ഐസ്ലന്ഡ് സമനില പിടിച്ചത്. വളരെ കുറച്ചു തവണ മാത്രമാണ് ഐസ്ലന്ഡിന് അര്ജന്റീനന് ഗോള്മുഖം കാണാനായത്.
ഐസ്ലന്ഡുകാരുടെ ഉയരം അര്ജന്റീനയെ ശരിക്കും വലച്ചുകളഞ്ഞു. ഹൈബോളുകള് പിടിച്ചെടുക്കുന്നതിലും, കോര്ണര് കിക്കുകള്ക്ക് തലവെക്കുമ്പോഴുമൊക്കെ ഐസ്ലന്ഡുകാര് അവരേക്കാള് ഉയരത്തില് ഉയര്ന്നുചാടി. പലപ്പോഴും ഈയൊരു കാര്യത്തില് അര്ജന്റീനക്കാര് നന്നേ ബുദ്ധിമുട്ടി. അതുകൊണ്ടുതന്നെ അവരുടെ ഹെഡറുകളൊക്കെ പാളുന്നതും കണ്ടു.
പ്രതിരോധക്കോട്ട കെട്ടി അര്ജന്റീനയുടെ മുന്നേറ്റങ്ങളെല്ലാം ഫലപ്രദമായി തടയാനായതാണ് ഐസ്ലന്ഡുകാര്ക്ക് വിജയത്തിന് തുല്യമായ സമനില നേടിക്കൊടുത്തത്. മെസിയും കൂട്ടരും നിരന്തരം പാഞ്ഞടുത്തെങ്കിലും ബോക്സിനുള്ളില് പത്മവ്യൂഹം ചമച്ചാണ് അര്ജന്റീനയെ ഐസ്ലന്ഡുകാര് പിടിച്ചുകെട്ടിയത്. കളി നടന്നത് ഏറെയും ഐസ്ലന്ഡ് ഗോള്മുഖത്തായിരുന്നു. പലപ്പോഴും ഗോളിനടുത്ത് എത്തിയെങ്കിലും നിര്ഭാഗ്യവും അര്ജന്റീനയ്ക്ക് തിരിച്ചടിയായി.
https://www.facebook.com/Malayalivartha
