ലോകകപ്പിലെ ഗ്രൂപ്പ് ഘട്ട മത്സരങ്ങളില് ആദ്യ മത്സരം കാണാൻ ഇതിഹാസതാരം ഡീഗോ മറഡോണയും എത്തി ; പിന്നാലെ പണിയും...
ലോകകപ്പിലെ ഗ്രൂപ്പ് ഘട്ട മത്സരങ്ങളില് ആദ്യ മത്സരം കാണാൻ ഇതിഹാസതാരം ഡീഗോ മറഡോണയും ഉണ്ടായിരുന്നു. അര്ജന്റീനയും-ഐസ്ലാന്ഡും നേര്ക്കുനേര് എത്തിയപ്പോള് ലിയോണല് മെസ്സിയുടെ കളി കാണാന് ആവേശത്തിലായിരുന്ന മറഡോണയെ തേടി പിന്നാലെ പണിയും എത്തി. ഒടുവിൽ മത്സരത്തിനിടെ സ്റ്റേഡിയത്തില് ഇരുന്ന് പുക വലിച്ചതിനു അദ്ദേഹത്തിന് മാപ്പ് പറയേണ്ടി വന്നു.
സ്റ്റേഡിയത്തില് വിലക്കുള്ള കാര്യം തനിക്ക് അറിയില്ലായിരുന്നുവെന്നും, ആരാധകരോടും ഫിഫയോടും മാപ്പു ചോദിക്കുന്നുവെന്നും ഫുട്ബോള് ഇതിഹാസം ട്വീറ്റ് ചെയ്തു. കൂടാതെ ആരാധകരുടെ പിന്തുണ അര്ജന്റീനയ്ക്കൊപ്പം ഉണ്ടാകണമെന്നും മറഡോണ ആവശ്യപ്പെട്ടു.
ഇന്നലെ മെസ്സിയുടെ നേതൃത്വത്തില് ഇറങ്ങിയ അര്ജന്റീനയെ ഐസ്ലാന്ഡ് സമനിലയില് തളച്ചിരുന്നു. 1986 ലെ മെക്സിക്കയില് നടന്ന ലോകകപ്പില് അര്ജന്റീന കിരീടം ഉയര്ത്തിയത് മറഡോണയുടെ നേതൃത്വത്തിലായിരുന്നു.
https://www.facebook.com/Malayalivartha
