ജര്‍മനി മെക്‌സികോ പോരാട്ടത്തിന് ആവേശത്തുടക്കം; ലോകകപ്പിലെ കിരീടം നിലനിര്‍ത്തുന്ന രാജ്യമാകാനൊരുങ്ങിയാണ് ജര്‍മനി; യോഗ്യതാ റൗണ്ടില്‍ പത്തില്‍ പത്തു കളികളും ജയിച്ച ടീമാണ് ജര്‍മനി
റഷ്യ ലോകകപ്പില്‍ ഗ്രൂപ്പ് എഫിലെ ആദ്യ മല്‍സരത്തില്‍ ജര്‍മനിയും മെക്‌സികോയും പോരാട്ടത്തില്‍. ആദ്യ പകുതിയില്‍ ജര്‍മനിയെ വിറപ്പിച്ച് മെക്‌സിക്കോ. ലോകകപ്പ് കിരീടം നിലനിര്‍ത്താമെന്ന പ്രതീക്ഷയിലിറങ്ങിയ ജെര്‍മനിക്കെതിരെ 36ാം മിനിറ്റില്‍ ലൊസാനോയാണ് മെക്‌സിക്കോയ്ക്കായി ഗോള്‍ നേടിയത്. കൗണ്ടര്‍ അറ്റാക്കിലൂടെ നിരന്തരം ജര്‍മ്മന്‍ ഗോള്‍മുഖത്ത് എത്തിയ മെക്‌സിക്കോക്ക് മുന്നില്‍ ജര്‍മ്മന്‍ നായകന്‍ മാനുവല്‍ നോയര്‍ തടസമായി നിന്നു.
യോഗ്യതാ റൗണ്ടില്‍ പത്തില്‍ പത്തു കളികളും ജയിച്ച ടീമാണ് ജര്‍മനി. അതേസമയം ലോക ജേതാക്കളാവാതെ ഏറ്റവും കൂടുതല്‍ ലോകകപ്പ് കളിച്ച ടീമാണ് മെക്‌സിക്കോ. 16 ലോകകപ്പുകളാണ് അവര്‍ കളിച്ചത്. ആദ്യ മിനിറ്റില്‍ തന്നെ ജര്‍മനിയെ ഞെട്ടിച്ച് മെക്‌സിക്കോ. അതിവേഗ മുന്നേറ്റം, ഗോള്‍ അവസരം മിസ്സായി. മത്സരം 15 മിനിറ്റ് പിന്നിടുമ്പോള്‍ ബോള്‍ പൊസിഷനില്‍ ആധിപത്യം ജര്‍മ്മനിക്കാണെങ്കിലും കൗണ്ടര്‍ അറ്റാക്കുമായി മെക്‌സിക്കോ കളം നിറഞ്ഞ് കളിക്കുകയാണ്.
https://www.facebook.com/Malayalivartha
