സൂപ്പര് താരം ക്രിസ്റ്റ്യാനോയെ പോലെ മസിലു വേണോ? എങ്കില് അറിയുക അദ്ദേഹത്തിന്റെ ഭക്ഷണ ക്രമം; റൊണാള്ഡോ ഒരു ദിവസത്തില് ഭക്ഷണം കഴിക്കുന്നത് ആറ് പ്രാവശ്യം
കഴിഞ്ഞ മത്സരത്തില് സ്പെയിനിെതിരെ ഇതുവരെ ഗോള് നേടിയിട്ടില്ലെന്ന ചരിത്രവും പേറിയാണ് റൊണാള്ഡോ കളിക്കളത്തില് ഇറങ്ങിയത്. എന്നാല് ഹാട്രിക് നേട്ടത്തോടെ തുടര്ച്ചയായി എട്ടു രാജ്യാന്തര ടൂര്ണമെന്റുകളില് സ്കോര് ചെയ്യുന്ന ആദ്യ താരമായി ക്രിസ്റ്റ്യാനോ മാറി. കൂടാതെ നാലു ലോകകപ്പുകളില് ഗോള് നേടുന്ന നാലാമനായും ക്രിസ്റ്റ്യാനോ മാറി. ലോകകപ്പില് ഹാട്രിക്ക് അടിക്കുന്ന പ്രായംകൂടിയ താരമായി 33കാരന് പോര്ച്ചുഗലിനെയല്ല ക്രിസ്റ്റ്യാനോയെ ... ആളൊരു അതിമാനുഷികനാണ്. ഇപിഎല് സീസണു മുന്പത്തെ ക്രിസ്റ്റ്യാനോ അല്ല ഇപ്പോള് കളിക്കളത്തിലുള്ളത്. തന്റെ കരുത്തും സ്റ്റാമിനയും സ്പീഡും കൊണ്ട് എതിരാളികളെ വിറപ്പിക്കുന്നത് നാം കഴിഞ്ഞ മത്സരത്തില് കണ്ടതാണ്. അദ്ദേഹത്തിന്റെ ശരീരത്തിലെ ഈ മസിലുകളൊന്നും ചുമ്മാകിട്ടിയതല്ല. കൃത്യമായ ഭക്ഷണക്രമത്തിലൂടെയും വ്യായമത്തിലൂടെയും ആര്ജിച്ചെടുത്തതാണ്.
ലോകം മുഴുവന് ആരാധികമാരുള്ള ഈ സൂപ്പര് ഹീറോയ്ക്ക് പക്ഷേ മധുരം അത്ര പ്രിയമല്ല. സിആര്7 ഫുഡ് സീക്രട്ട്സ് ഇതെല്ലാമാണ്:-
റൊണാള്ഡോ ഒരു ദിവസത്തില് ആറ് പ്രാവശ്യമാണ് ഭക്ഷണം കഴിക്കുന്നത്. ഒരു ദിവസത്തില് രണ്ടു മുതല് നാലു വരെ ഇടവേളകളിലായാണ് ഈ ഭക്ഷണം ക്രമീകരിച്ചിരിക്കുന്നത്. ഡയറ്റീഷന്റെ നിര്ദേശപ്രകാരം പ്രോട്ടീന് നിറഞ്ഞതും ഫാറ്റും ഷുഗറും കുറഞ്ഞതുമായ ഭക്ഷണമാണ് കഴിക്കുന്നത്. പ്രോട്ടീന് ഷെയ്ക്കിനൊപ്പം മാംസാഹാരവും ഭക്ഷണത്തില് ഉള്പ്പെടുത്തിയിട്ടുണ്ട്. മിനറല്സും വൈറ്റമിനുകളും നിറഞ്ഞ പച്ചക്കറികളും ഒഴിവാക്കാറില്ല. ദിവസം ആരംഭിക്കുന്നതുതന്നെ ഫ്രൂട്ട് ജ്യൂസും മുട്ടയുടെ വെള്ളയും ധാന്യങ്ങളും നിറച്ച ആഹാരത്തില് നിന്നാണ്. തുടര്ന്ന് പാസ്ത, ധാരാളം പച്ചക്കറികള്, ചിക്കനും സാലഡും നിറച്ച് ഉച്ചഭക്ഷണം. ട്യൂണ റോളും ലെമണ്ജ്യൂസുമാണ് വൈകിട്ടത്തെ ഇഷ്ടഭക്ഷണം. അത്താഴത്തിന് സ്ട്രോങ് മെനുവാണ്, അരിയും പയറും, ചിക്കന് അല്ലെങ്കില് ടര്ക്കി, ബീന്സ്, പഴങ്ങള് എല്ലാം കാണും.
https://www.facebook.com/Malayalivartha
