റഷ്യയില് സെനഗലിനോട് അടിയറവു പറഞ്ഞ് പോളണ്ട്; പോളണ്ടിന്റെ പതനം ഒന്നിനെതിനെ രണ്ടു ഗോളുകള്ക്ക് ആശ്വായ ഗോള് പിറന്നത് എണ്പത്തിയെട്ടാം മിനിറ്റില്
റഷ്യയില് കാലിടറിയ വമ്പന് ടീമുകളുടെ പട്ടികയിലേക്ക് ഒരു പേരുകൂടി ചേര്ത്ത് പോളണ്ടിന് തോല്വിത്തുടക്കം. 2002നു ശേഷം ആദ്യമായി ലോകകപ്പ് കളിക്കാനെത്തിയ സെനഗലാണ് പോളണ്ടിനെ ഞെട്ടിച്ചത്. ഒന്നിനെതിരെ രണ്ടു ഗോളുകള്ക്കാണ് സെനഗലിന്റെ വിജയം. ഇതോടെ 2002 ലോകകപ്പില് ഫ്രാന്സിനെ അട്ടിമറിച്ച് ഞെട്ടിച്ച സെനഗലിന്, റഷ്യന് ലോകകപ്പിലും അട്ടിമറി ജയത്തോടെ തുടക്കം. പോളണ്ടിനാകട്ടെ, നിരാശപ്പെടുത്തുന്ന തോല്വിയും മൂന്നു പോയിന്റ് നഷ്ടവും.
ആദ്യം ഒരു സെല്ഫ് ഗോള് വഴങ്ങി. പിന്നെ എതിര് ഏരിയയില് നിന്ന് സ്വന്തം ആളില്ലാത്ത സ്വന്തം ഏരിയയിലേയ്ക്ക് അനാവശ്യമായ ഒരു മൈനസ് പാസ്. സെനഗലിന് മുന്നില് കാലിടറാന് പോളണ്ടിന് ഇത് രണ്ടും ധാരാളം. തിയാഗോ സിനോനെക്കിന്റെ കാലില് തട്ടി സ്വന്തം വലയില് ചെന്നു പതിച്ച പന്തിലാണ് സെനഗല് ആദ്യം ലീഡ് നേടിയത്.
മുപ്പത്തിയേഴാം മിനിറ്റിലായിരുന്നു സെല്ഫ് ഗോള്. ബോക്സിന് വാരകള് അകലെവച്ച് സാനെ ഇദ്രിസ ഗുയെയ്ക്ക് കൊടുത്തതാണ് പന്ത്. ഇദ്രിസ്സ ഗോളിലേയ്ക്ക് വെടിയുതിര്ക്കുകയും ചെയ്തു. എന്നാല്, പന്ത് ഓടിയെത്തിയ സിനോനെക്കിന്റെ കാലില് തട്ടി നേരെ വലയിലേയ്ക്ക്. സെല്ഫ് ഗോള്. സെനഗല് മുന്നില്. പോസ്റ്റിന് പുറത്തേയ്ക്ക് പോകുന്ന പന്താണ് സിനോനെക്കിന്റെ കാലില് തട്ടി വലയിലേയ്ക്ക് പാഞ്ഞത്. അതുകൊണ്ട് തന്നെയാണ് അത് സെല്ഫ് ഗോളായി വിധിക്കപ്പെട്ടതും. അറുപതാം മിനിറ്റില് കൈച്ചോവിയാക്കാണ് മൈതാനമധ്യത്തില് അമ്പത് വാര അകലെ നിന്ന് സ്വന്തം ഏരിയയില് ബെഡ്നാറക്കിന് ഒരു ഒരു നീളന് ലോബ് കൊടുത്തത്. എന്തിനായിരുന്നു അങ്ങനെയൊരു പാസ് എന്നെ െ്രെകചോവിയാക്കിന് മാത്രമേ അറിയൂ. എന്തായാലും ബെഡ്നാറക്കിന് പന്ത് കിട്ടിയില്ല. ഗോളി സെസ്സനി മധ്യനിര വരെ ഓടിക്കറിനോക്കിയെങ്കിലും പന്ത് കിട്ടിയ നിയാങ് അത് അനായാസമായി തന്നെ വലയിലാക്കി.
രണ്ടാം ഗോളിന് വഴിയൊരുക്കിയ ക്രൈച്ചോവിയാക്കാണ്പോളണ്ടിന്റെ സമാശ്വാസ ഗോള് നേടിയത്. എണ്പത്തിയെട്ടാം മിനിറ്റിലായിരുന്നു ഗോള്. ഗ്രോസിക്കിയെടുത്ത ഒരു ഫ്രീക്കില് നിന്നായിരുന്നു ഗോള്. മാര്ക്ക് ചെയ്യപ്പെടാതെ നിന്ന ക്രൈച്ചോവിയാക്കിന് ഖാദിം എന്ഡിയായെ മറികടന്ന് പന്ത് നെറ്റിലെത്തിക്കാന് ഒട്ടും ആയാസപ്പെടേണ്ടിവന്നില്ല.
https://www.facebook.com/Malayalivartha
