സ്​പെയിനിനെതിരെ ആദ്യ മത്സരത്തിൽ ഹാട്രിക്​ നേടിയ റൊണാൾഡോ വീണ്ടും ഫോമിലേക്ക്​. മെറോ ക്കോക്കെതിരെ കളി തുടങ്ങി നാലാം മിനിട്ടിൽ ഗോളുമായി ​സൂപ്പർ താരം റൊ​ണാൾഡോ. ജാവാ മുടീഞ്ഞോയുടെ കോർണർ കിക്ക്​​ ഹെഡറി​ലൂടെ ഗോൾ വലയിലെത്തിച്ചാണ്​ ​രണ്ടാം മത്സരത്തിൽ റൊണാൾഡോ ത​​ന്റെ നാലാം ഗോൾ കുറിച്ചത്​.ശക്​തമായ ബി ഗ്രൂപ്പിൽ എല്ലാ ടീമുകളും ഒാരോ മത്സരം കളിച്ചു കഴിഞ്ഞപ്പോൾ ഏക ജയവുമായി ഇറാനാണ്​ മുന്നിൽ. സ്​പെയിനും പോർച്ചുഗലും സമനില കുരുക്കുമായി തൊട്ടുപിന്നിൽ. അതു കൊണ്ടുതന്നെ പ്രീ ക്വാർട്ടറിൽ ഇടംപിടിക്കാൻ ഇന്ന്​ ജയത്തിൽ കുറഞ്ഞൊന്നും റൊണാൾഡോ സംഘത്തി​​​​ന്റെ മനസ്സിലില്ല. ഇൗ ലോക കപ്പിൽ പിറന്ന ഏക ഹാട്രിക്​ സ്വന്തം പേരിൽ കുറിച്ച റോണോ ഉജ്വല ഫോമിലാണ്​. ആദ്യ മത്സരത്തിലെ സമനില പറങ്കിപ്പടയ്​ക്ക്​ ജയത്തിനു തുല്ല്യമാണ്​. ഇനിയുള്ള മത്സരങ്ങൾ ജയിച്ച്​ പ്രീ ക്വാർട്ടർ കടക്കാമെന്ന ആത്​മവിശ്വാസത്തിലാണവർ.വാസ്​തവത്തിൽ സ്​പെയിൻ ടീമിലെ 11 പേരും റൊണാൾഡോ എന്ന ഒറ്റയാൻ പടയ്​ക്കെതിരെ പോരാടുകയായിരുന്നു.