ലോകമെമ്പാടുമുള്ള ഫുട്ബാൾ പ്രേമികൾ കാത്തിരിക്കുന്ന ദിവസമാണ് ഇന്ന്. സാക്ഷാൽ മിശിഹാ ഇന്ന് റഷ്യയിൽ വീണ്ടും ഇറങ്ങുന്നു. അതേസമയം ആദ്യ വിജയം തേടി മെസ്സിയും സംഘവും ഇന്ന് കൊറേഷ്യക്കെതിരെ കളിക്കാനിറങ്ങുന്നു.

ലോകകപ്പിലെ ആദ്യ മത്സരത്തിൽ തന്നെ അടിതെറ്റിയവരാണ് അർജന്റീന. ലയണൽ മെസ്സിയുടെ ചിറകുകളിലേറി ലോക കിരീടത്തിൽ മുത്തമിടാമെന്ന പ്രതീക്ഷയോടെയാണ് അവർ റഷ്യയിലേക്ക് വണ്ടി കയറിയത്. പക്ഷെ ഐസ്ലാൻഡിൽ നിന്നുള്ള ഇത്തിരിക്കുഞ്ഞൻ ടീമിനോട് സമനിലയിൽ കുരുങ്ങേണ്ടി വന്നു. ലയണൽ മെസ്സി , ഗോൺസാലോ ഹിഗ്വയിൻ തുടങ്ങിയവരെല്ലാം അവരുടെ ലീഗുകളിൽ പൊന്നും വിലയുള്ളവർ . എന്നാൽ അതിഥിയൻ കുപ്പായത്തിൽ ഇവർക്കാർക്കും തിളങ്ങാനാകുന്നില്ല. ആദ്യ മത്സരം ജയിച്ചു നിൽക്കുന്ന കൊറേഷ്യയോടാണ് ഇവർക്ക് ഏറ്റുമുട്ടേണ്ടത്. എന്നാൽ കാര്യങ്ങൾ അത്ര എളുപ്പമാകില്ല. ഐസ്ലാൻഡ് പോലൊരു ചെറി ടീമിനോട് സമനിലയിൽ കുരുങ്ങേണ്ടിവന്നെങ്കിൽ കൊറേഷ്യ പോലൊരു ശക്തമായ ടീമിനോട് എന്താകുമെന്നാണ് ആരാധകരുടെ ആകാംഷ.

മെസ്സിക്ക് കടുത്ത സമ്മർദ്ദമുണ്ടെന്ന് പരിശീലകൻ വ്യക്തമാക്കിക്കഴിഞ്ഞു. ആദ്യ ഗ്രൂപ്പിൽ നിന്ന് റഷ്യയുടെയും ഉറുഗോയും പ്രീകോർട്ട് ഉറപ്പിച്ചു കഴിഞ്ഞു. ബി ഗ്രൂപ്പിലുള്ള മറ്റൊരു ടീമായ നൈജീരിയയും ശക്തരാണ്. മൂന്നാം മത്സരത്തിൽ അർജന്റീനക്ക് നേരിടേണ്ടി വരുന്നത് നൈജീരിയയെ ആണ്. അതുകൊണ്ട് തന്നെ കൊറേഷ്യക്കെതിരെയുള്ള മത്സരം വളരെ നിർണായകവും. ആദ്യ കളി സമനിലയിലായതോടെ ഒരു പോയിന്റ് മാത്രമാണ് മെസ്സിയുടെയും സംഘത്തിന്റെയും നേട്ടം. ഇന്നത്തെ കളി ജയിക്കാനായാൽ നാലുപോയിന്റുമായി പട്ടികയിൽ ഒന്നാമതെത്താം. ഐസ്ലാൻഡ് നൈജീരിയ മത്സരത്തിലെ വിജയി ആരെന്നതും അർജന്റീനയ്ക്ക് നിർണായകമാകും. മെസ്സിയും സംഘവും ആദ്യ റൗണ്ടിൽ നിന്ന് കുതിപ്പ് തുടങ്ങുന്നത് കാണാൻ കാത്തിരിക്കുകയാണ് അർജന്റീനിയൻ ആരാധകർ.