ക്രൊയേഷ്യയോടേറ്റ നാണംകെട്ട തോല്‍വിക്ക് കുറ്റമേറ്റുപറഞ്ഞും ആരാധകരോട് മാപ്പു പറഞ്ഞും രംഗത്തുവന്നിരിക്കുകയാണ് കഴിഞ്ഞ ഒരു വര്‍ഷമായി ടീമിനെ പരിശീലിപ്പിക്കുന്ന സാംപോളി. നാണക്കേടാണോ എന്നെനിക്ക് അറിയില്ല. പക്ഷേ, തീര്‍ച്ചയായും വേദനയുണ്ട്. ദീര്‍ഘനാളായി പരിശീലകരംഗത്തുള്ള എനിക്ക് ഇത്തരം അനുഭവങ്ങള്‍ പുതിയതല്ല. എന്നാല്‍ അത് സ്വന്തം രാജ്യത്തിന്റെ ജെഴ്‌സി അണിയുമ്പോള്‍ അത് കൂടുതല്‍ വേദനാജനകമാണ്. കഴിഞ്ഞ മത്സരത്തില്‍ ഞങ്ങള്‍ക്ക് സര്‍വവും മറന്ന് പൊരുതേണ്ടിവന്നിരുന്നു. 

ഞങ്ങള്‍ക്ക് മറ്റൊരു പോംവഴിയും ഉണ്ടായിരുന്നില്ല. അര്‍ജന്റീനയിലെ ജനങ്ങള്‍ പ്രതീക്ഷിച്ച ഒരു നിലവാരം പുലര്‍ത്താന്‍ കഴിയാതിരുന്നത് വേദന തന്നെയാണ്. ആരാധകരേ ഞാന്‍ നിങ്ങളോട് ക്ഷമ യാചിക്കുകയാണ്. പ്രത്യേകിച്ച് അര്‍ജന്റീനയുടെ കളി കാണാനായി യാത്ര ചെയ്‌തെത്തിയവരോട്. ഈയൊരു മത്സരഫലത്തിന് ഞാനാണ് ഉത്തരവാദി. എന്നെ കൊണ്ടാവുംവിധം പ്രയത്‌നിച്ചു എന്നാണ് എന്റെ വിശ്വാസം. എങ്കിലും ആരാധകര്‍ ആഗ്രഹിച്ചത് കൊടുക്കാന്‍ എനിക്കായില്ലസാംപോളി പറഞ്ഞു.