കൊറേഷ്യയോട് മൂന്ന് ഗോളിന് പരാജയം ഏറ്റുവാങ്ങിയെങ്കിലും അർജന്റീനയുടെ ലോകകപ്പ് പ്രതീക്ഷകൾക്ക് ഇനിയും അവസാനമായിട്ടില്ല. ഇന്നലെ നടന്ന മത്സരത്തിൽ ഐസ്‌ലാൻഡ്‌ നൈജീരിയയോട് എതിരില്ലാത്ത രണ്ടു ഗോളുകൾക്ക് പരാചയപെട്ടതാണ് ഈ രീതിയിൽ അർജന്റീനയുടെ പ്രതീക്ഷകളെ തിരികെ കൊണ്ട് വന്നിരിക്കുന്നത്.

നൈജീരിയൻ ആരാധകരെക്കാൾ ഈ മത്സരം അവർ ജയിക്കണമെന്ന് ഏറെ ആശിച്ചത് അർജന്റീന ആരാധകരാണ്. നിർണായകമായ മത്സരത്തിൽ ഐസ്‌ലാൻഡ്‌ പരാചയപെട്ടാൽ മാത്രമേ അർജന്റീനയുടെ സാധ്യതകൾക്ക് കൂടുതൽ പ്രതീക്ഷയുള്ളു. അതുകൊണ്ട് തന്നെ നൈജീരിയയ്ക്ക് വേണ്ടി ആർപ്പ് വിളിച്ച് നിരവധി ആളുകളാണ് സ്റ്റേഡിയത്തിലെത്തിയത്. നൈജീരിയയുടെ കായിക കരുത്തിന് മുൻപിൽ ഐസ്‌ലാൻഡ്‌ താരങ്ങൾ പതറുകയായിരുന്നു. തൊണ്ണൂറ് മിനിട്ടുവരെയും ഒരേ സ്റ്റാമിനയിൽ കളിച്ച നൈജീരിയൻ താരങ്ങൾ ഐസ്‌ലാൻഡിന് വലിയ തലവേദന സൃഷ്ടിച്ചു. മൂസയുടെ ഫിനിഷിങ് പാടവമാണ് നൈജീരിയയ്ക്ക് തുണയായത്. രണ്ടുവട്ടമാണ് മൂസ ഗോൾ വല കുലുക്കിയത്. ഇതോടെ രണ്ടു കളികളിൽ നിന്ന് നൈജീരിയയ്ക്ക് മൂന്ന് പോയിന്റും രണ്ടുകാലികളിൽ നിന്ന് ഐസ്‌ലാൻഡിന് ഒരു പോയിന്റും ആയി. രണ്ടുകളികളിൽ നിന്നും അർജന്റീനയ്ക്ക് ഒരു പോയിന്റ് ആണുള്ളത്. അവസാനമത്സരങ്ങൾ എല്ലാവർക്കും നിർണായകമാണ്. അവസാന മത്സരത്തിൽ നൈജീരിയയെ നേരിടുന്ന അർജന്റീനക്ക് പക്ഷെ കാര്യങ്ങൾ എളുപ്പമാകില്ല.

കൊറേഷ്യയാണ് ഐസ്ലാൻഡിന്റെ എതിരാളി എന്നിരുന്നാലും ഒരു അവസാനവട്ട ശ്രമം അർജന്റീന നടത്തുമെന്നത് ഉറപ്പാണ്. അവസാനമത്സരത്തിൽ അർജന്റീനക്ക് ജയം ലഭിക്കുകയും കൊറേഷ്യയോട് ഐസ്‌ലാൻഡ് തോൽക്കുകയും ചെയ്‌താൽ മെസ്സിപ്പടക്ക് പ്രീകോർട്ടറിൽ എത്താം. ഇത് കണക്കുകൂട്ടി ഇരിക്കുകയാണ് മെസ്സിയുടെയും അർജന്റീനയുടെയും ആരാധകർ.