മൗരോ ഇക്കാര്ഡിയോ ലോകകപ്പിനുള്ള ടീമില് ഉള്പ്പെടുത്താതിരുന്നതാണ് അര്ജന്റീനയ്ക്ക് വിനയായത്; അര്ജന്റീനയുടെ പരിശീലകന് സാംപോളിക്കെതിരെ വിമര്ശനവുമായി യുവാന് സെബാസ്റ്റ്യന് വെറോണ്; ഇക്കാര്ഡിയെ ഒഴിവാക്കിയതിന്റെ കാരണം സാംപോളിക്ക് മാത്രമേ അറിയൂവെന്നും വെറോണ്
അര്ജന്റീനയുടെ പരിശീലകന് യോര്ഗെ സാംപോളിക്കെതിരേ രൂക്ഷമായ വിമര്ശനവുമായി മുന് താരം യുവാന് സെബാസ്റ്റ്യന് വെറോണ്. മികച്ച സ്കോററായ മൗരോ ഇക്കാര്ഡിയോ ലോകകപ്പിനുള്ള ടീമില് ഉള്പ്പെടുത്താതിരുന്നതാണ് അര്ജന്റീനയ്ക്ക് വിനയായതെന്ന് വെറോണ് പറഞ്ഞു. ഇക്കാര്ഡിയെ ഒഴിവാക്കിയതിന്റെ കാരണം സാംപോളിക്ക് മാത്രമേ അറിയൂവെന്നും വെറോണ് പറഞ്ഞു. പുറത്തു നിന്നു നോക്കുമ്പോള് ഇക്കാര്ഡിയെ ഒഴിവാക്കിയതിന്റെ കാരണം മനസ്സിലാവില്ല. അത് മനസ്സിലാകണമെങ്കില് സാംപോളിയുടെ തലയ്ക്കകത്ത് കയറണംവെറോണ് പറഞ്ഞു.
കഴിഞ്ഞ സീസണിലെ ഇറ്റാലിയന് സീരി എയിലെ 34 കളികളില് നിന്ന് 29 ഗോള് നേടിയ ഇക്കാര്ഡി അര്ജന്റീനയുടെ മൂന്ന് യോഗ്യതാ മത്സരത്തില് മാത്രമാണ് കളിച്ചത്. ഫൈനല് റൗണ്ടിനുള്ള ടീമില് ഇടം നേടിയതുമില്ല. അര്ജന്റീന പ്രീക്വാര്ട്ടറിലെത്തുമെന്നാണ് പ്രതീക്ഷ. എന്നാല് അത് അത്ര എളുപ്പമുള്ള കാര്യമല്ല. മെസ്സിക്ക് എന്താണ് സംഭവിച്ചതെന്ന് അയാള്ക്ക് മാത്രമേ അറിയൂ. ഒരാള്ക്ക് ഒറ്റയ്ക്ക് ഒരു ടീമിന്റെ ഭാഗധേയം നിര്ണയിക്കാനാവില്ലവെറോണ് പറഞ്ഞു.
https://www.facebook.com/Malayalivartha
