അര്‍ജന്റീനയുടെ നായകന്‍ ലയണല്‍ മെസ്സിയുടെ മുപ്പത്തിയൊന്നാം പിറന്നാളായിരുന്നു ഞായറാഴ്ചയായിരുന്നു. എന്നാല്‍, ഇപ്പോള്‍ ജന്മദിനം ആഘോഷപൂര്‍വം കൊണ്ടാടാനുള്ള ഒരു സാഹചര്യത്തിലല്ല ലിയോ. കരിയറില്‍ ഇന്നേവരെ നേരിടാത്ത ഒരു പ്രതിസന്ധിക്ക് മുന്നില്‍ വിഷമിതനാായി നില്‍ക്കുകയാണ് ലോകത്ത് ഏറ്റവും കൂടുതല്‍ ആരാധകരുള്ള താരം.

പരിശീലനത്തിനിടെ ഒരു ആശ്ലേഷത്തിലും കവിളിലൊരു ചുംബനത്തിലും ഒതുങ്ങി കോച്ച് യോര്‍ഗെ സാംപോളി മെസിക്കുള്ള ജന്മദിനാശംസ. കോച്ചും ടീമംഗങ്ങളും തമ്മിലുള്ള സ്വരച്ചേര്‍ച്ചയില്ലായ്മയുടെ സൂചനയായി ഇത് വിലയിരുത്തപ്പെടുകയും ചെയുന്നുണ്ട്. നൈജീരിയക്കെതിരായ അടുത്ത മത്സരത്തില്‍ സാംപോളി ടീമിനൊപ്പം ഉണ്ടായേക്കില്ല എന്ന തരത്തില്‍ വാര്‍ത്തകള്‍ വരെ പ്രചരിച്ചു

എന്നാല്‍, ജന്മദിന ദിവസം മെസ്സിക്ക് ആശ്വാസവും ആത്മവിശ്വസവും നല്‍കുന്ന മറ്റൊരു ജന്മദിന സന്ദേശം ഭാര്യ അന്റോനെറല്ല റൊക്കൂസോ ഇന്‍സ്റ്റഗ്രാമില്‍ കുറിച്ചു. ആ പോസ്റ്റ് ഹൃദയത്തില്‍ നിന്നുള്ള സന്ദേശമായിരുന്നു.

അന്റോനെല്ല കുറിച്ചതിങ്ങനെ

എന്നെ ലോകത്തിലെ ഏറ്റവും സന്തോഷവതിയായ സ്ത്രീയാക്കിയതിന് നന്ദി. നമ്മുടെ ഏറ്റവും വലിയ സമ്പാദ്യമായ നമ്മുടെ കുടുംബം നല്‍കിയതിനും നന്ദി. എന്റെ പ്രിയപ്പെട്ടവനേ... ഇന്നും എന്നും നിങ്ങള്‍ക്ക് സന്തോഷം നേരുന്നു. 

അതേസമയം മെസ്സിയും അന്റോനെല്ലയും തമ്മില്‍ പിരിഞ്ഞേക്കും എന്ന തരത്തിലുള്ള ഗോസിപ്പുകളും പരന്നിരുന്ന ഈ സാഹചര്‍ത്തിസാണ് അന്റോനെല്ലയുടെ ഈ സുന്ദര സന്ദേശം എത്തുന്നത്.