നൈജീരിയക്കെതിരെ അര്‍ജന്റീന പരാജയപ്പെടുമെന്ന് പ്രവചനം; അക്കിലസ് പൂച്ച ഇതുവരെയുള്ള പ്രവചിച്ച മത്സരഫലങ്ങളെല്ലാം അച്ചട്ടായിരുന്നു
ലോകകപ്പ് പ്രവചനങ്ങള്‍ അച്ചട്ടാക്കിയ പോള്‍ നീരാളിക്ക് ശേഷം അക്കിലസ് എന്ന പൂച്ചയാണ് ഇപ്പോഴത്തെ താരം. എന്നാല്‍, അക്കിലസിന്റെ ഏറ്റവും പുതിയ പ്രവചനം ലോകകപ്പില്‍ ഗ്രൂപ്പ് റൗണ്ടില്‍ അര്‍ജന്റീന നൈജീരിയയോട് പരാജയപ്പെടും എന്നാണ് സെന്റ് പീറ്റേഴ്‌സ്ബര്‍ഗിലെ ഹെര്‍മിറ്റേജ് മ്യൂസിയത്തിലെ അന്തേവാസിയായ അക്കിലസിന്റെ പ്രവചനം.
കേള്‍വിശക്തിയില്ലാത്ത പൂച്ച ഇതുവരെയുള്ള ലോകകപ്പ് മത്സരങ്ങളെല്ലാം കൃത്യമായാണ് പ്രവചിച്ചത്. സൗദി അറേബ്യയും റഷ്യയും ഈജിപ്തിനെ തോല്‍പിക്കുമെന്നും ഇറാന്‍ മൊറോക്കോയെ തോല്‍പിക്കുമെന്നും ബ്രസീല്‍ കോസ്റ്ററീക്കയെ തോല്‍പിക്കുമെന്നും അക്കിലസ് പ്രവചിച്ചിരുന്നു. പ്രവചനത്തിലെ കൃത്യതയുടെ കാര്യത്തില്‍ പോള്‍ നീരാളിയേക്കാള്‍ മെച്ചപ്പെട്ട റെക്കോഡാണ് കഴിഞ്ഞ വര്‍ഷത്തെ കോണ്‍ഫെഡറേഷന്‍സ് കപ്പിലെ വിജയികളെ പ്രവചിച്ച അക്കിലസിന്റേതെന്നും പറയപ്പെടുന്നു.
ഒരു മേശപ്പുറത്ത് ഭക്ഷണം നിറച്ച രണ്ട് ബൗളുകള്‍ വയ്ക്കും. അതില്‍ ഓരോ രാജ്യത്തിന്റെ പതാകയും. ഇതില്‍ അക്കിലസ് ഏത് ബൗളില്‍ നിന്നാണ് ഭക്ഷണമെടുക്കുന്നത് എന്നതിനെ ആശ്രയിച്ചാണ് പ്രവചനഫലം.
https://www.facebook.com/Malayalivartha
