ബാങ്ക് ഓഫ് ബറോഡയുടെ സംരംഭമായ ബറോഡസൺ ടെക്നോളജീസ് ലിമിറ്റഡിൽ വിവിധ തസ്തികയിൽ ഒഴിവുകൾ. മുംബൈയിലായിരിക്കും നിയമനം. ആകെ 39 ഒഴിവുകളുണ്ട്. വിവിവിധ തസ്തികകളിലെ ഒഴിവുകലും അപേക്ഷിക്കാൻ ആവശ്യമായ യോഗ്യതയും ഇങ്ങനെ

 1. ടെക്നോളജി ആര്‍ക്കിടെക്ട് - 1 ഒഴിവാണ് ഉള്ളത് . കമ്പ്യൂട്ടര്‍ സയൻസ് എൻജിനീയറിങ് ബിരുദം അല്ലെങ്കിൽ അംഗീകൃത എംസിഎയും എട്ടു വര്‍ഷത്തെ പ്രവൃത്തി പരിചയവുംഉള്ളവർക്ക് അപേക്ഷിക്കാം . 30 മുതൽ 35 വയസ്സുവരെയാണ് പ്രായപരിധി.

2. പ്രോഗ്രാം മാനേജര്‍ - 1

എൻജിനീയറിങ് അല്ലെങ്കിൽ ടെക്നോളജിയിൽ ബിരുദം ആണ് അടിസ്ഥാന യോഗ്യത . കൂടാതെ 10 വര്‍ഷത്തെ പ്രവൃത്തി പരിചയം നിര്‍ബന്ധം. ഇതിൽ കുറഞ്ഞത് പ്രോജക്ട് മാനേജ്മെൻ്റിൽ 5 വര്‍ഷത്തെ പ്രവൃത്തി പരിചയം ഉണ്ടായിരിക്കണം. 30 മുതൽ 45 വയസ്സുവരെയുള്ളവര്‍ക്ക് അപേക്ഷകൾ സമര്‍പ്പിക്കാം.

3. ക്വാളിറ്റി അഷ്വറൻസ് ലീഡ് - 2

എൻജിനീയറിങിൽ ബിരുദവും 10 വര്‍ഷത്തെ പ്രവൃത്തി പരിചയവും ആണ് അപേക്ഷിക്കാൻ ആവശ്യമായ യോഗ്യത . ഇതിൽ കുറഞ്ഞത് പ്രോജക്ട് മാനേജ്മെൻ്റിൽ 5 വര്‍ഷത്തെ പ്രവൃത്തി പരിചയം ഉണ്ടായിരിക്കണം. 30 മുതൽ 45 വയസ്സുവരെയുള്ളവര്‍ക്ക് അപേക്ഷകൾ സമര്‍പ്പിക്കാം.

4. ഇൻഫ്രാസ്ട്രക്ചര്‍ ലീഡ് - 1

എൻജിനീയറിങിൽ ബിരുദവും 10 വര്‍ഷത്തെ പ്രവൃത്തി പരിചയവും നിര്‍ബന്ധം. ഇതിൽ കുറഞ്ഞത് പ്രോജക്ട് മാനേജ്മെൻ്റിൽ 5 വര്‍ഷത്തെ പ്രവൃത്തി പരിചയം ഉണ്ടായിരിക്കണം. 30 മുതൽ 45 വയസ്സുവരെയുള്ളവര്‍ക്ക് അപേക്ഷകൾ സമര്‍പ്പിക്കാം.

5. ഡാറ്റാ ബേസ് ആര്‍ക്കിടെക്ട് - 1

എൻജിനീയറിങിൽ ബിരുദവും 5 വര്‍ഷത്തെ പ്രവൃത്തി പരിചയവും നിര്‍ബന്ധം. 25നും 35 വയസ്സിനുമിടയിലാവണം പ്രായപരിധി.

6. ബിസിനസ് അനലിസ്റ്റ് ലീഡ് - 2

എൻജിനീയറിങിൽ ബിരുദവും 10 വര്‍ഷത്തെ പ്രവൃത്തി പരിചയവും നിര്‍ബന്ധം. ധനകാര്യ മേഖലയിൽ 5 വര്‍ഷത്തെ പ്രവൃത്തി പരിചയം ഉണ്ടായിരിക്കണം. ബാങ്കിങ് പശ്ചാത്തലം ഉള്ളവര്‍ക്കും അപേക്ഷിക്കാം. അപേക്ഷകരുടെ പ്രായം 30നും 45 വയസിനും ഇടയിലായിരിക്കണം.

6. ബിസിനസ്സ് അനലിസ്റ്റ് - 5

ബന്ധപ്പെട്ട വിഷയത്തിലുള്ള എൻജിനീയറിങും ആറു വര്‍ഷത്തെ പ്രവൃത്തി പരിചയവും നിര്‍ബന്ധം. അപേക്ഷകരുടെ പ്രായം 25 വയസ്സിനും 40നും ഇടയിലായിരിക്കണം.

7. വെബ് ആൻഡ് ഫ്രണ്ട് എൻഡ് ഡവലപ്പര്‍

ബന്ധപ്പെട്ട വിഷയത്തിലുള്ള എൻജിനീയറിങും ആറു വര്‍ഷത്തെ പ്രവൃത്തി പരിചയവും നിര്‍ബന്ധം. 25 മുതൽ 45 വയസ്സുവരെയുള്ളവര്‍ക്ക് അപേക്ഷിക്കാം.

8. ഡേറ്റ അനലിസ്റ്റ് - 4

മാത്തമാറ്റിക്സ്, സ്റ്റാറ്റിസ്റ്റിക്സ്, ക്വാണ്ടിറ്റേറ്റീവ് മെത്തേഡ്സ്, കമ്പ്യൂട്ടര്‍ സയൻസ്, ഓപ്പറേഷണൽ റിസര്‍ച്ച്, ഇക്കണോമിക്സ് തുടങ്ങിയവയിലേതെങ്കിലുമൊന്നിൽ ബിരുദം.അഞ്ചു വര്‍ഷത്തെ പ്രവൃത്തി പരിചയം നിര്‍ബന്ധം. 25 മുതൽ 40 വയസ്സുവരെയാണ് പ്രായപരിധി.

9. ഡേറ്റ എൻജിനീയര്‍ - 4

ബന്ധപ്പെട്ട വിഷയത്തിലുള്ള എൻജിനീയറിങ് ബിരുദവും ആറു വര്‍ഷത്തെ പ്രവൃത്തി പരിചയവും നിര്‍ബന്ധം. അപേക്ഷകരുടെ പ്രായം 25നും 40 വയസ്സിനും ഇടയിലായിരിക്കണം.

10. ഇൻ്റഗ്രേഷൻ എക്സ്പേര്‍ട്ട് - 2

ബന്ധപ്പെട്ട വിഷയത്തിലുള്ള എൻജിനീയറിങ് ബിരുദവും ആറു വര്‍ഷത്തെ പ്രവൃത്തി പരിചയവും നിര്‍ബന്ധം. അപേക്ഷകരുടെ പ്രായം 25നും 40 വയസ്സിനും ഇടയിലായിരിക്കണം.

11. എമേര്‍ജിങ് ടെക്നോളജി എക്സ്പേര്‍ട്ട് - 3

ബന്ധപ്പെട്ട വിഷയത്തിലുള്ള എൻജിനീയറിങ് ബിരുദവും ആറു വര്‍ഷത്തെ പ്രവൃത്തി പരിചയവും നിര്‍ബന്ധം. അപേക്ഷകരുടെ പ്രായം 25നും 40 വയസ്സിനും ഇടയിലായിരിക്കണം.

12. മൊബൈൽ ആപ്ലിക്കേഷൻ ഡവലപ്പര്‍ - 6

ബന്ധപ്പെട്ട വിഷയത്തിലുള്ള എൻജിനീയറിങ് ബിരുദവും ആറു വര്‍ഷത്തെ പ്രവൃത്തി പരിചയവും നിര്‍ബന്ധം. അപേക്ഷകരുടെ പ്രായം 25നും 40 വയസ്സിനും ഇടയിലായിരിക്കണം.

13. യുഐ അല്ലെങ്കിഷ യുഎക്സ് ഡിസൈനര്‍ - 2

ബന്ധപ്പെട്ട വിഷയത്തിലുള്ള എൻജിനീയറിങ് ബിരുദവും ആറു വര്‍ഷത്തെ പ്രവൃത്തി പരിചയവും നിര്‍ബന്ധം. അപേക്ഷകരുടെ പ്രായം 25നും 40 വയസ്സിനും ഇടയിലായിരിക്കണം.

അപേക്ഷാഫീസ്

ജനറൽ, ഒബിസി വിഭാഗത്തിന് 600 രൂപയും എസ്.സി, എസ്.ടി വിഭാഗത്തിന് 100 രൂപയുമാണ് അപേക്ഷാഫീസ്.

ബാങ്ക് ഓഫ് ബറോഡയുടെ ഔദ്യോഗിക വെബ്സൈറ്റ് വഴിയാണ് അപേക്ഷകൾ സമര്‍പ്പിക്കേണ്ടത്. അപേക്ഷ സ്വീകരിക്കുന്ന അവസാന തീയതി മാര്‍ച്ച് 27.