മലയാള സിനിമയുടെ തിളക്കം ഒരിക്കൽ കൂടി വർധിപ്പിച്ച നടൻ ഇന്ദ്രന്സിന് അഭിനന്ദനവുമായി മുഖ്യമന്ത്രി പിണറായി വിജയൻ
നടന് ഇന്ദ്രന്സിനെ അഭിനന്ദിച്ച് മുഖ്യമന്ത്രി പിണറായി വിജയൻ. വെയില് മരങ്ങള് എന്ന സിനിമയിലെ അഭിനയത്തിന് സിംഗപ്പൂര് സൗത്ത് ഏഷ്യന് ഫിലിം ഫെസ്റ്റിവലില് മികച്ച നടനായി ഇന്ദ്രന്സിനെ തെരഞ്ഞെടുത്തതില് സന്തോഷമുണ്ടെന്ന് പിണറായി വിജയൻ ഫെയ്സ്ബുക്കിലൂടെ അറിയിച്ചു.ഇതിലൂടെ മലയാളത്തിന്റെ അഭിമാനം രാജ്യാന്തര തലങ്ങളില് വീണ്ടും ഉയര്ന്നിരിക്കുകയാണ്.
ലോക സിനിമയില് മലയാളം നേട്ടങ്ങള് കൊയ്യുകയാണ്..ഹാസ്യ കഥാപാത്രങ്ങള് മാത്രമല്ല തനിക്ക് വഴങ്ങുകയെന്ന് ഇന്ദ്രന്സ് തെളിയിച്ചു കൊണ്ടിരിക്കുകയാണ്. മലയാള സിനിമയ്ക്ക് അഭിമാനിക്കാം ഇന്ദ്രന്സിന്റെ നേട്ടത്തിലൂടെ. അഭിനന്ദനങ്ങള്; പിണറായി വിജയന് കുറിപ്പ് ഇങ്ങനെയായിരുന്നു. ഇന്ദ്രന്സിന് ലഭിക്കുന്ന ആദ്യ അന്താരാഷ്ട്ര പുരസ്കാരമാണിത്. ഷാങ്ഹായ് രാജ്യാന്തര ചലച്ചിത്രമേളയിലും വെയിൽ മരങ്ങള് എന്ന ചിത്രം പുരസ്കാരങ്ങൾ വാങ്ങിയിരുന്നു. ചിത്രത്തിന് ഔട്ട്സ്റ്റാന്ഡിംഗ് ആര്ട്ടിസ്റ്റിക് അച്ചീവ്മെന്റ് അവാര്ഡാണ് കിട്ടിയിരിക്കുന്നത്. ഇതോടെ ഷാങ്ഹായ് മേളയില് പുരസ്കാരം നേടുന്ന ആദ്യ ഇന്ത്യന് സിനിമയായി വെയില് മരങ്ങള് മാറി കഴിഞ്ഞിരിക്കുന്നു.
https://www.facebook.com/Malayalivartha