സ്വിം സ്യൂട്ടില്‍ ഗ്ലാമറസായി ചിത്രങ്ങൾ പോസ്റ്റ് ചെയ്ത നടി അഹാന കൃഷ്ണന് നേരെ സൈബർ ആക്രമണം. ഗോവയിലെ ബീച്ചിലാണ് സ്വിം സ്യൂട്ടില്‍ പ്രത്യക്ഷപ്പെട്ടത്. റെബ ജോൺ, റിമി ടോമി തുടങ്ങി നിരവധിപ്പേരാണ് നടിയെ അഭിനന്ദിച്ചെത്തിയത്.  ഗോവയിലെ ബീച്ചിലെ കടല്‍ത്തിരകളില്‍ കളിച്ചുല്ലസിക്കുന്ന മോണോക്കിനി ധരിച്ച താരത്തിന്റെ ചിത്രങ്ങൾക്ക് താഴെയാണ് നെഗറ്റീവ് കമന്റുകൾ നിറഞ്ഞത്. താരത്തിന്റെ ബോള്‍ഡ് ലുക്കിനെതിരെയാണ് സോഷ്യല്‍ മീഡിയയിലെ സദാചാര വാദികൾ ഉണർന്നത്.

നിരവധി പേരാണ് കമന്റുകളുമായി എത്തിയിരിക്കുന്നത്. മോളെ ഞാന്‍ ഒരു കാര്യം പറയട്ടെ അത്തരത്തിലുള്ള ഫോട്ടോ എടുക്കുന്നത് തെറ്റാണ്. ഞമ്മളുടെ മരണം ഇപ്പോയാണെന്നു നമ്മക്ക് പറയാന്‍ പറ്റത്തില്ല. ദൈവത്തിന് നടക്കാത്ത ഫോട്ടോ എടുക്കരുത് ? ഒരു നിമിഷം ദൈവത്തെ ഓര്‍ക്കുക., കല്യാണം ഉറപ്പിച്ചെന്നു തോന്നുന്നു.

അതിന്റെ തയാറെടുപ്പാണോ ഇതൊക്കെ ? മോളെ അമ്മയും അച്ഛനും ഈ ഫോട്ടോ സപ്പോര്‍ട് ചയ്‌തോ? ഡ്രസിംഗില്‍ കുറച്ച് ശ്രദ്ധിക്കാം, ചേച്ചിയുടെ അവസാനത്തെ അടവ്. ആര്‍ക്കും എന്നെ തോല്‍പ്പിക്കാന്‍ ആവില്ല. ഇനി കുറച്ച് ഷഡ്ഡിയില്‍ കളിക്കാം, പണ്ട് മുത്തുച്ചിപ്പി ഫയര്‍ ഒക്കെ തുറക്കുമ്പോള്‍ ഇതുപോലെ ഉള്ള കുറച്ചു ഫോട്ടോസ് കാണാം എന്നൊക്കെയാണ് ചിത്രങ്ങള്‍ക്ക് ലഭിക്കുന്ന കമന്റുകള്‍.

ആ ഷര്‍ട്ടും ഒഴിവാക്കി ഒരു ബിക്കിനിയായിരുന്നു നല്ലത്, അപ്പോ നമുക്ക് ആര്‍ഷഭാരത സംസ്‌കാരം വേണ്ടേ. മോളെ, എന്നും ചിലര്‍ കമന്റ് ചെയ്യുന്നുണ്ട്. ഇതിനിടെ അഹാനയുടെ ചിത്രത്തിന് കയ്യടിച്ച റിമി ടോമിയ്ക്ക് ഒരാള്‍ നല്‍കിയ മറുപടിയും ശ്രദ്ധ നേടുന്നുണ്ട്. നിങ്ങള്‍ അഹാനയെ സപ്പോര്‍ട്ട് ചെയ്യാന്‍ പാടില്ലായിരുന്നു. ആ കുട്ടി ചെയ്യുന്നത് തെറ്റല്ലേ, അറിഞ്ഞിട്ടും എന്തിനാ പ്രോത്സാഹിപ്പിച്ചേ എന്നായിരുന്നു ഒരാളുടെ കമന്റ്. പിന്നാലെ ഇയാള്‍ക്ക് മറുപടിയുമായി നിരവധി പേരാണ് എത്തിയിരിക്കുന്നത്. എന്താണ് തെറ്റെന്നും തിരുത്തേണ്ടത് നിങ്ങളാണെന്നും സോഷ്യല്‍ മീഡിയ ഇയാളോട് പറയുന്നുണ്ട്.

അതേ സമയം അഹാനയ്ക്ക് പിന്തുണയുമായും നിരവധി പേര്‍ എത്തിയിട്ടുണ്ട്. കേരളത്തില്‍ നല്ലൊരു ശതമാനം നേരം വെളുക്കാത്ത ആളുകളുണ്ട്. ഇവിടുത്തെ കമന്റുകള്‍ വായിച്ചാല്‍ അത് മനസിലാകും. ആ കുട്ടി ഇഷ്ടമുള്ള ഡ്രസ് ഇടട്ടെ, എന്താണ് കുഴപ്പം? സംഘ മിത്രങ്ങള്‍ ആരും ഇത് വഴി വന്നില്ലേ ശകുന്തളേ എന്നൊക്കെയാണ് താരത്തിന് പിന്തുണയുമായി എത്തിയവരുടെ കമന്റുകള്‍. നടന്‍ കൃഷ്ണ കുമാറിന്റെ മകളാണ് അഹാന. വളരെ ചുരുങ്ങിയ സിനിമകള്‍ കൊണ്ട് തന്നെ ശ്രദ്ധ നേടാന്‍ അഹാനയ്ക്ക് സാധിച്ചിട്ടുണ്ട്. രാജീവ് രവി ഒരുക്കിയ ഞാന്‍ സ്റ്റീവ് ലോപ്പസ് ആയിരുന്നു അഹാനയുടെ ആദ്യ സിനിമ.

എന്നാല്‍ ഇതിന് ശേഷം സിനിമയില്‍ നിന്നും ഇടവേളയെടുത്ത അഹാന, പിന്നീട് ഞണ്ടുകളുടെ നാട്ടിലൊരു ഇടവേള എന്ന ചിത്രത്തിലൂടെ തിരികെ വരികയായിരുന്നു. ഇന്ന് മലയാള സിനിമയിലെ യുവനടിമാരില്‍ ശ്രദ്ധേയയാണ് അഹാന. സിനിമയ്ക്ക് പുറമെ സോഷ്യല്‍ മീഡിയയിലും സജീവമാണ് അഹാന.

തന്റേതായ സീരീസുകള്‍ ഒരുക്കി ഒടിടി ലോകത്തും അഹാന സാന്നിധ്യം അറിയിച്ചു കഴിഞ്ഞു. തന്റെ യൂട്യൂബ് ചാനലിലൂടേയും സോഷ്യല്‍ മീഡിയ പേജുകളിലൂടേയുമെല്ലാം നിറഞ്ഞു നില്‍ക്കുകയാണ് അഹാന കൃഷ്ണ. നാന്‍സി റാണി, അടി തുടങ്ങിയ സിനിമകളാണ് അഹാനയുടേതായി പുറത്തിറങ്ങാനുള്ളത്. പോയ വര്‍ഷം താരത്തെ മി മൈ സെല്‍ഫ ആന്റ് ഐ എന്ന വെബ് സീരീസിലും കണ്ടിരുന്നു.