കൊടും ക്രൂരതയ്ക്കൊടുവില്....മക്കളെ മുറിയില് പൂട്ടിയിട്ട ശേഷം ഭാര്യയെ ചുറ്റിക കൊണ്ടു തലയ്ക്കടിച്ച് ഭര്ത്താവ് കൊലപ്പെടുത്തിയശേഷം തൂങ്ങി മരിച്ചു, വിദേശത്ത് ജോലിയുള്ള യുവതി അടുത്ത ദിവസം മടങ്ങാനിരിക്കെയാണ് ദാരുണ സംഭവം
കൊടും ക്രൂരതയ്ക്കൊടുവില്....മക്കളെ മുറിയില് പൂട്ടിയിട്ട ശേഷം ഭാര്യയെ ചുറ്റിക കൊണ്ടു തലയ്ക്കടിച്ച് ഭര്ത്താവ് കൊലപ്പെടുത്തിയശേഷം തൂങ്ങി മരിച്ചു, വിദേശത്ത് ജോലിയുള്ള യുവതി അടുത്ത ദിവസം മടങ്ങാനിരിക്കെയാണ് ദാരുണ സംഭവം.
വെണ്മണി 7ാം വാര്ഡ് പുന്തല ശ്രുതിലയത്തില് ഷാജിയാണ് (59) ഭാര്യ ദീപ്തിയെ (49) കൊലപ്പെടുത്തിയ ശേഷം തൂങ്ങി മരിച്ചത്. ഇന്നലെ രാവിലെ ഏഴോടെയാണു സംഭവം നടന്നത്. കുടുംബവഴക്കിനെ തുടര്ന്നാണ് കൊലപാതകമെന്നാണ് പൊലീസ് നിഗമനത്തിലുള്ളത്. കുവൈത്തിലായിരുന്ന ഷാജി ഒന്നരമാസം മുന്പാണു നാട്ടിലെത്തിയത്.
മക്കളായ ശ്രുതിയും ശ്രാവണും സംഭവ സമയത്ത് വീട്ടിലുണ്ടായിരുന്നു. തങ്ങളെ മുറിക്കുള്ളില് പൂട്ടിയിട്ട ശേഷമാണ് അമ്മയെ ആക്രമിച്ചതെന്നു മക്കള് പൊലീസില് അറിയിക്കുകയും ചെയ്തു.അമ്മയുടെ നിലവിളി കേട്ടു ശ്രാവണ് ഫോണ് ചെയ്ത് സുഹൃത്തിനെ വിവരം അറിയിച്ചെങ്കിലും ഗേറ്റ് പൂട്ടിയിട്ടിരിക്കുകയായിരുന്നു. അയല്വാസികളുടെ സഹായത്തോടെ ഗേറ്റ് തുറന്ന് അകത്തു കടന്നു.
മുറിക്കു പുറത്തു വച്ചിരുന്ന താക്കോലെടുത്തു ശ്രുതിയെയും ശ്രാവണിനെയും പുറത്തിറക്കി. തുടര്ന്ന് നടത്തിയ പരിശോധനയിലാണു വീടിന്റെ മുറ്റത്ത് ദീപ്തിയുടെ മൃതദേഹം കണ്ടെത്തിയത്. സമീപത്തായി ചുറ്റിക കിടന്നിരുന്നു. ചുറ്റിക കൊണ്ടുള്ള അടിയേറ്റ് തലയോട്ടി തകര്ന്ന നിലയിലായിരുന്നു. പൊലീസ് മുറിയുടെ ജനാലച്ചില്ല് തകര്ത്തു നോക്കിയപ്പോഴാണ് ഷാജിയെ തൂങ്ങി മരിച്ച നിലയില് കണ്ടത്.
ദീപ്തിയുടെ സംസ്കാരം നടത്തി. ഷാജിയുടെ സംസ്കാരം പിന്നീട് നടക്കും.ബിരുദ വിദ്യാര്ത്ഥിയാണ് ശ്രാവണ്.
https://www.facebook.com/Malayalivartha