രാജ്യസഭാ സീറ്റ് തർക്കത്തിലെ പൊട്ടിത്തെറികൾ അവസാനിക്കുന്നില്ല; ഇന്ദിരാഭവന് ഒഎൽഎക്സി വില്പനയ്ക്ക് വച്ച് പ്രവർത്തകരുടെ പ്രതിഷേധം
കോണ്ഗ്രസ് സംസ്ഥാന കമ്മിറ്റി(കെ.പി.സി.സി) ഓഫീസായ ഇന്ദിരാഭവന് വില്പനക്ക് കാണിച്ച് പരസ്യം. പ്രമുഖ ഓണ്ലൈന് വ്യാപര സൈറ്റായ ഒഎൽഎക്സിലാണ് പരസ്യം നൽകിയിരിക്കുന്നത്. ഇന്ദിരാഭവന് വേണ്ടവര് ഇന്ത്യന് നാഷണല് മുസ്ലീം ലീഗിനേയോ കേരളാ കോണ്ഗ്രസിനേയോ സമീപിക്കണമെന്നും പരസ്യത്തില് പറയുന്നു. അനീഷ് എന്നയാണ് പരസ്യം നൽകിയിരിക്കുന്നത്
രാജ്യസഭാ സീറ്റ് കേരള കോണ്ഗ്രസിന് നൽകിയ തീരുമാനം ലീഗാണെന്ന ആക്ഷേപം നിലനിൽക്കെയാണ് കെപിസിസി ആസ്ഥാനമായ ഇന്ദിരാഭവന് വിൽപനയ്ക്ക് എന്ന് കാണിച്ച് ഒഎൽഎക്സിൽ പരസ്യം പ്രത്യക്ഷപ്പെട്ടിരിക്കുന്നത്. പതിനായിരം രൂപ വിലയിട്ടിരിക്കുന്ന കെട്ടിടത്തിന്റെ പരസ്യം കഴിഞ്ഞ ദിവസമാണ് ഒഎൽഎക്സിൽ ഇട്ടത്.
കെട്ടിടം താമസയോഗ്യമാണെന്നും അണ്ഫർണിഷ്ഡ് ആണെന്നും പരസ്യത്തിൽ പറയുന്നു. കോണ്ഗ്രസിലെ പൊട്ടിത്തെറിയുമായി ബന്ധപ്പെട്ട് നിരവധി ട്രോളുകള് പുറത്തിറങ്ങിയിരുന്നു ഇതിന് പിന്നാലെയാണ് ഒഎൽഎക്സിൽ ഇത്തരത്തിലൊരു പരസ്യം വന്നിരിക്കുന്നത്.
https://www.facebook.com/Malayalivartha
