ക്ഷേത്രത്തിൽ ദർശനത്തിന് മുതിർന്ന പൗരർക്കുള്ള പട്ടികയിൽ ഇനി മുതൽ 70 വയസ്സ് കഴിഞ്ഞവരെ മാത്രം പരിഗണിച്ചാൽ മതിയെന്ന് ദേവസ്വം തീരുമാനം. നിലവിൽ 60 വയസ്സുമുതലുള്ളവരേയും മുതിർന്ന പൗരരുടെ ദർശനവരിയിൽ പരിഗണിച്ചിരുന്നു. ഇനി മുതൽ ‘സൂപ്പർ സീനിയേഴ്‌സ്’ എന്ന പേരിലായിരിക്കും അറിയപ്പെടുന്നത്.

ഭക്തരുടെ സൗകര്യം പരിഗണിച്ച് ഗുരുവായൂരിൽ വഴിപാട് കൗണ്ടറുകളുടെ എണ്ണം വർദ്ധിപ്പിച്ചു. ക്ഷേത്രത്തിന്റെ തെക്കേ മതിൽക്കെട്ടിൽ വഴിപാട് ശീട്ടാക്കാനും പടിഞ്ഞാറെനടയിൽ പ്രസാദം വാങ്ങാനുമായി ഓരോ കൗണ്ടർ വീതമാണ് വർദ്ധിപ്പിച്ചത്. ശീട്ടാക്കാനുള്ള കൗണ്ടറുകളിൽ ക്ലാർക്കുമാർക്കു പുറമേ, സുരക്ഷാ ഉദ്യോഗസ്ഥർക്കും ചുമതല നൽകി.