മസ്തിഷ്ക മരണം സ്ഥിരീകരിച്ച യുവാവിന് പോസ്റ്റുമോര്ട്ടം ടേബിളില് പുതുജീവന്
മസ്തിഷ്ക മരണം സ്ഥിരീകരിച്ച് പോസ്റ്റുമോര്ട്ടത്തിനായി മാറ്റിയ യുവാവിന് പുതുജീവന്. കര്ണാടകയിലെ മഹാലിംഗാപൂരിലാണ് സംഭവം. പോസ്റ്റുമോര്ട്ടം നടത്തിനായി നിയോഗിച്ച ഡോക്ടറാണ്, 27കാരന് ജീവനുണ്ടെന്ന് കണ്ടെത്തിയത്. പോസ്റ്റുമോര്ട്ടം നടപടികള് ആരംഭിക്കുന്നതിന് തൊട്ടുമുമ്പാണ് യുവാവിന്റെ ശരീരം ചലിക്കുന്നത് ഡോക്ടര് ശ്രദ്ധിച്ചത്. തുടര്ന്ന് നടത്തിയ പരിശോധനയിലാണ് ജീവനുണ്ടെന്ന് മനസിലായത്. ഉടന് തന്നെ മറ്റൊരു ആശുപത്രിയിലേക്കു മാറ്റിയ യുവാവിനെ അത്യാഹിത വിഭാഗത്തില് പ്രവേശിപ്പിച്ചിരിക്കുകയാണ്. ഫെബ്രുവരി 27 ന് മഹാലിംഗാപൂരില് അപകടത്തില്പ്പെട്ട ശങ്കര് ഗോമ്ബി എന്ന യുവാവിനെ ആശുപത്രിയില് പ്രവേശിപ്പിച്ചെങ്കിലും പിന്നീട് മസ്തിഷ്കം മരണം സംഭവിച്ചതായി ബെലഗാവിയിലെ സ്വകാര്യ ആശുപത്രിയിലെ ഡോക്ടര്മാര് ബന്ധുക്കളെ അറിയിച്ചു. വെന്റിലേറ്റര് സംവിധാനം ഒഴിവാക്കുന്നതോടെ മരണം സ്ഥിരീകരിക്കപ്പെടുമെന്നും ഡോക്ടര്മാര് അറിയിച്ചു. ഇതേത്തുടര്ന്ന് ശങ്കറിന്റെ ശരീരം വെന്റിലേറ്റര് സംവിധാനത്തോടുകൂടി തന്നെ ബാഗല്കോട്ടിലെ മഹാലിംഗാപൂര് സര്ക്കാര് ആശുപത്രിയിലേക്ക് മാറ്റി. വെന്റിലേറ്റര് മാറ്റിയശേഷം പോസ്റ്റുമോര്ട്ടം നടപടികള്ക്കായാണ് അവിടേക്ക് മാറ്റിയത്. ഇതിനൊപ്പം യുവാവിന്റെ ശവസംസ്ക്കാര ചടങ്ങുകള്ക്കുള്ള ഒരുക്കങ്ങളും ആരംഭിച്ചു. ശങ്കറിന് ആദരാജ്ഞലികള് അര്പ്പിച്ചുകൊണ്ടുള്ള ബാനറുകളും ഫ്ലെക്സുകളും മഹാലിംഗാപ്പൂരിലെ തെരുവോരങ്ങളില് നിറഞ്ഞു. സംഭവത്തെക്കുറിച്ച് പോസ്റ്റ്മോര്ട്ടം നടത്താന് നിയോഗിക്കപ്പെട്ട ഡോക്ടര് എസ്. എസ്. ഗല്ഗലി പറയുന്നത് ഇങ്ങനെയാണ്, 'ആശുപത്രിയിലേക്ക് പോകുമ്ബോള് പട്ടണത്തിലുടനീളം ശങ്കറിന്റെ കട്ട്ഔട്ടുകളും ബാനറുകളും ഉണ്ടായിരുന്നു. 'അതുകൊണ്ടുതന്നെ എന്റെ പോസ്റ്റുമോര്ട്ടം ടേബിളിലെ മുഖം എനിക്കറിയാം, പക്ഷേ അദ്ദേഹം ജീവിച്ചിരിക്കുമെന്ന് ഞാന് പ്രതീക്ഷിച്ചിരുന്നില്ല,' ഗാല്ഗലി പറഞ്ഞു.
ആശുപത്രിയിലെത്തിയപ്പോള് നൂറു കണക്കിന് ആളുകള് അവിടെ തടിച്ചുകൂടിയിരുന്നു, 'ഗല്ഗലി പറഞ്ഞു. പോസ്റ്റ്മോര്ട്ടം നടപടി ആരംഭിക്കാന് ഒരുങ്ങുമ്ബോള് ഗോമ്ബിയുടെ ശരീരത്തില് ചെറിയ അനക്കം കണ്ടതായി അദ്ദേഹം കൂട്ടിച്ചേര്ത്തു. പിന്നെ ഞാന് അവനെ വെന്റിലേറ്ററില് നിന്ന് മാറ്റി അല്പ്പം കാത്തിരുന്നു. എന്നെ അതിശയിപ്പിച്ചുകൊണ്ട്, അവന് കൈകള് ചലിപ്പിച്ചു. ഞാന് ഉടനെ കുടുംബത്തെ വിളിച്ച് മറ്റൊരു സ്വകാര്യ ആശുപത്രിയിലേക്ക് മാറ്റി.
മറ്റൊരു ആശുപത്രിയിലേക്ക് മാറ്റിയ ഗോംബിയുടെ ആരോഗ്യനിലയില് കുറച്ച് പുരോഗതി ഉണ്ടെന്നും അദ്ദേഹത്തിന്റെ ജീവന് സാധാരണനിലയിലേക്ക് മടങ്ങുകയാണെന്നും ഇപ്പോള് പ്രവേശിപ്പിച്ച ആശുപത്രിയിലെ ഡോക്ടര്മാര് അറിയിച്ചതായി ഡോ. ഗല്ഗലി പറഞ്ഞു. 'അദ്ദേഹത്തിന്റെ നിലനില്പ്പിന് ഒരു സാധ്യതയുണ്ടെന്നും അദ്ദേഹം ചികിത്സയോട് പ്രതികരിക്കുന്നുവെന്നും അദ്ദേഹം പറഞ്ഞു. 18 വര്ഷം നീണ്ട എന്റെ കരിയറില് 400 ലധികം പോസ്റ്റ്മോര്ട്ടങ്ങള് ഞാന് നടത്തിയിട്ടുണ്ട്, എന്നാല് ഇതുപോലുള്ള ഒരു കേസ് ഞാന് കണ്ടിട്ടില്ല. ' അദ്ദേഹം പറഞ്ഞു.
https://www.facebook.com/Malayalivartha
