സ്വന്തം പാര്ട്ടിയിലെ ആളുകള് തന്നെയാണ് തനിക്കെതിരേ ആക്രമണം അഴിച്ചുവിടുന്നത്; തിരുത്തല്വാദി നേതാക്കള്ക്ക് മറുപടിയുമായി രാഹുല് ഗാന്ധി

കോണ്ഗ്രസ് നേതൃത്വത്തെ പരസ്യമായി വിമര്ശിച്ച തിരുത്തല്വാദി നേതാക്കള്ക്ക് മറുപടിയുമായി രാഹുല് ഗാന്ധി. കോര്നെല് സര്വകലാശാലയില് നടന്ന വെര്ച്വല് ചര്ച്ചയിലാണ് രാഹുല് ഇക്കാര്യത്തില് മറുപടി നല്കിയത്.
യൂത്ത് കോണ്ഗ്രസിലും എന്എസ്യുവിലും സംഘടനാ തെരഞ്ഞെടുപ്പ് നടത്തിയത് താനാണ്. എന്നാല് അതിന്റെ പേരില് പാര്ട്ടിക്കുള്ളില് പോലും താന് ക്രൂശിക്കപ്പെട്ടുവെന്നും രാഹുല് പറഞ്ഞു. സ്വന്തം പാര്ട്ടിയിലെ ആളുകള് തന്നെയാണ് തനിക്കെതിരേ ആക്രമണം അഴിച്ചുവിടുന്നതെന്നും രാഹുല് തുറന്നടിച്ചു. ഇന്ദിരാഗാന്ധിയുടെ ഭരണകാലത്ത് അടിയന്തരാവസ്ഥ ഏര്പ്പെടുത്തിയത് തെറ്റാണ്. എന്നാല് ആ സമയത്ത് സംഭവിച്ചതും ഇന്ന് നരേന്ദ്ര മോദിയുടെ ഭരണത്തില് രാജ്യത്ത് സംഭവിക്കുന്നതും തമ്മില് വ്യത്യാസമുണ്ടെന്നും രാഹുല് പറഞ്ഞു.
https://www.facebook.com/Malayalivartha























