ഇന്ത്യയുടെ ആദ്യ സൗര നിരീക്ഷണ പേടകമായ ആദിത്യ എല്1 ഇന്ന് ലഗ്രാഞ്ച് (എല് 1) പോയന്റിലെത്തുമെന്ന് ഐ.എസ്.ആര്.ഒ.... 125 ദിവസം കൊണ്ട് 15 ലക്ഷം കീലോമീറ്റര് സഞ്ചരിച്ചാണ് ലഗ്രാഞ്ച് പോയിന്റില് പേടകം എത്തുന്നത്, ചരിത്രം കുറിക്കാനായി ഇനി മണിക്കൂറുകള് മാത്രം....
ഇന്ത്യയുടെ ആദ്യ സൗര നിരീക്ഷണ പേടകമായ ആദിത്യ എല്1 ഇന്ന് ലഗ്രാഞ്ച് (എല് 1) പോയന്റിലെത്തുമെന്ന് ഐ.എസ്.ആര്.ഒ.... 125 ദിവസം കൊണ്ട് 15 ലക്ഷം കീലോമീറ്റര് സഞ്ചരിച്ചാണ് ലഗ്രാഞ്ച് പോയിന്റില് പേടകം എത്തുന്നത്, ചരിത്രം കുറിക്കാനായി ഇനി മണിക്കൂറുകള് മാത്രം....
വൈകുന്നേരം നാലു മണിയോടെ അന്തിമ ഭ്രമണപഥത്തില് ആദിത്യ എല്1 പ്രവേശിക്കുമെന്ന് ഐ.എസ്.ആര്.ഒ ചെയര്മാന് . ഭൂമിയുടെയും സൂര്യന്റെയും ആകര്ഷണങ്ങളില് പെടാതെ ലഗ്രാഞ്ച് പോയന്റിന് ചുറ്റുമുള്ള ഹാലോ ഭ്രമണപഥത്തിലാണ് ആദിത്യ വലം വെക്കുക. ഇതിനായി ആദിത്യയിലെ എന്ജിന് ജ്വലിപ്പിച്ച് പേടകം മുന്നോട്ട് പോകാതെ ലഗ്രാഞ്ച് പോയന്റില് എത്തിക്കുകയും ചെയ്യും.
ഭൂമിയില് നിന്ന് സൂര്യനിലേക്കുള്ള ആകെ ദൂരം 15 കോടി കിലോമീറ്ററാണ്.സെപ്റ്റംബര് രണ്ടിനാണ് സൂര്യ രഹസ്യങ്ങള് തേടി ആദിത്യ എല്1 ആന്ധ്രയിലെ ശ്രീഹരികോട്ടയില് നിന്ന് പി.എസ്.എല്.വി സി 57 റോക്കറ്റില് വിജയകരമായി വിക്ഷേപിച്ചത്.
ഭൂമിയുടെയും സൂര്യന്റെയും ആകര്ഷണങ്ങളില് പെടാതെ ലഗ്രാഞ്ച് പോയന്റിന് ചുറ്റുമുള്ള ഹാലോ ഭ്രമണപഥത്തില് നിന്നാണ് ആദിത്യ സൗരപഠനം നടത്തുക. സൂര്യന്റെ അന്തരീക്ഷത്തിലെ ചൂടും ഇവയില് നിന്നുണ്ടാകുന്ന വികിരണങ്ങള് ബഹിരാകാശ കാലാവസ്ഥയിലും ഭൂമിയിലും വരുത്തുന്ന മാറ്റങ്ങളെ കുറിച്ചും പഠിക്കുകയാണ് അഞ്ചു വര്ഷം നീണ്ട പ്രധാന ദൗത്യം.
സൂര്യന്റെ പുറംഭാഗത്തെ താപ വ്യതിയാനങ്ങളും സൗര കൊടുങ്കാറ്റിന്റെ ഫലങ്ങളും കണ്ടെത്തുകയാണ് ദൗത്യത്തിലുള്ളത്. സൗര വികിരണങ്ങള് കാരണം ഭൂമിയുടെ അന്തരീക്ഷത്തിലും കാലാവസ്ഥയിലും ഉണ്ടാകുന്ന മാറ്റങ്ങളും, സൂര്യന്റെ ഉപരിതലം, കൊറോണ ഗ്രാഫ് എന്നറിയപ്പെടുന്ന സൂര്യന്റെ ബാഹ്യ വലയങ്ങള്, 15 ലക്ഷം കിലോമീറ്റര് അകലെയുള്ള ബഹിരാകാശം എന്നിവയും പഠനവിധേയമാക്കും.
അമേരിക്കയുടെ നാസയും യൂറോപ്യന് സ്പേസ് ഏജന്സിയും ജപ്പാന് എയ്റോസ്പേസ് എക്സ്പ്ലോറേഷന് ഏജന്സിയുമാണ് ലോകത്ത് ഇതുവരെ സൗര ദൗത്യങ്ങള് നടത്തിയിട്ടുള്ളത്. ഇന്ത്യയുടെ ആദിത്യ എല്1 ലക്ഷ്യം കണ്ടാല് അത് ബഹിരാകാശ ചരിത്രം തിരുത്തി കുറിക്കുകയും ചെയ്യും. സൗര ദൗത്യത്തില് നേട്ടം കൈവരിക്കുന്ന നാലാമത്തെ രാജ്യമായി മാറും ഇന്ത്യ.
"
https://www.facebook.com/Malayalivartha
