ഷെല്ട്ടര് ഹോമില് നിന്ന് 26 പെണ്കുട്ടികളെ കാണാതായി....ദേശീയ ബാലാവകാശ സംരക്ഷണ കമ്മീഷന് ഗേള്സ് ഹോസ്റ്റലില് അപ്രതീക്ഷിത സന്ദര്ശനം നടത്തിയപ്പോഴാണ് ഇക്കാര്യം പുറത്തറിഞ്ഞത്
മധ്യപ്രദേശില് അനധികൃതമായി പ്രവര്ത്തിക്കുന്ന ഷെല്ട്ടര് ഹോമില് നിന്ന് 26 പെണ്കുട്ടികളെ കാണാതായി. ഗുജറാത്ത്, ജാര്ഖണ്ഡ്, രാജസ്ഥാന്, മധ്യപ്രദേശ് എന്നിവയുള്പ്പെടെ വിവിധ സംസ്ഥാനങ്ങളില് നിന്നുള്ള 26 പെണ്കുട്ടികളെയാണ് കാണാതായത്. ദേശീയ ബാലാവകാശ സംരക്ഷണ കമ്മീഷന് (എന്സിപിസിആര്) ചെയര്മാന് പ്രിയങ്ക് കനുങ്കോ ഭോപ്പാലിന്റെ പ്രാന്തപ്രദേശത്തുള്ള പര്വാലിയ ഏരിയയിലെ അഞ്ചല് ഗേള്സ് ഹോസ്റ്റലില് അപ്രതീക്ഷിത സന്ദര്ശനം നടത്തിയപ്പോഴാണ് ഇക്കാര്യം പുറത്തറിഞ്ഞത്. രജിസ്റ്റര് പരിശോധിച്ചപ്പോള് അതില് 68 പെണ്കുട്ടികളുടെ എണ്ണം രേഖപ്പെടുത്തിയിട്ടുണ്ടെങ്കിലും അവരില് 26 പേരെ കാണാനില്ലായിരുന്നു.
കാണാതായ പെണ്കുട്ടികളെ കുറിച്ച് ഷെല്ട്ടര് ഹോമിന്റെ ഡയറക്ടര് അനില് മാത്യുവിനെ ചോദ്യം ചെയ്തപ്പോള് തൃപ്തികരമായ മറുപടി നല്കിയില്ല. സംഭവത്തില് പോലീസ് എഫ്ഐആര് ഫയല് ചെയ്തിട്ടുണ്ട്.
പെണ്കുട്ടികള് ഗുജറാത്ത്, ജാര്ഖണ്ഡ്, രാജസ്ഥാന് എന്നിവിടങ്ങളില് നിന്നുള്ളവരായിരുന്നു. ചിലര് മധ്യപ്രദേശിലെ സെഹോര്, റെയ്സെന്, ചിന്ദ്വാര, ബാലാഘട്ട് എന്നിവിടങ്ങളില് നിന്നുള്ളവരുമായിരുന്നു.
നിയമവിരുദ്ധമായി നടത്തിവന്നിരുന്ന ചില്ഡ്രന്സ് ഹോമില് നിരവധി ക്രമക്കേടുകള് കണ്ടെത്തിയതായും എഫ്ഐആറില് പറയുന്നു. ചില്ഡ്രന്സ് ഹോം നിയന്ത്രിക്കുന്ന ഒരു മിഷനറി തെരുവില് നിന്ന് കുറച്ച് കുട്ടികളെ കൊണ്ടുവന്ന് ലൈസന്സില്ലാതെ ഷെല്ട്ടര് ഹോം നടത്തുകയാണെന്നും രക്ഷപ്പെടുത്തിയ കുട്ടികളെ വീട്ടില് രഹസ്യമായി പാര്പ്പിച്ച് ക്രിസ്ത്യന് മതം പഠിപ്പിക്കുകയാണെന്നും കനുങ്കോ ആരോപിച്ചു.
'6 നും 18 നും ഇടയില് പ്രായമുള്ള പെണ്കുട്ടികളില് ഭൂരിഭാഗവും ഹിന്ദുക്കളാണ്. നിര്ഭാഗ്യവശാല്, മധ്യപ്രദേശിലെ വനിതാ ശിശുവികസന വകുപ്പിലെ ഉദ്യോഗസ്ഥര് ഇത്തരം എന്ജിഒകളുമായുള്ള കരാറില് ചൈല്ഡ് ഹെല്പ്പ് ലൈന് പ്രവര്ത്തിപ്പിക്കാന് ആഗ്രഹിക്കുന്നു.' - അദ്ദേഹം കൂട്ടിച്ചേര്ത്തു.
കാണാതായ പെണ്കുട്ടികളെല്ലാം ചൈല്ഡ് വെല്ഫെയര് കമ്മിറ്റിയുടെ ഉത്തരവില്ലാതെയാണ് ജീവിക്കുന്നത്. കുട്ടികളെ രക്ഷപ്പെടുത്തി പിന്നീട് ചൈല്ഡ് വെല്ഫെയര് കമ്മിറ്റിക്ക് മുന്നില് ഹാജരാക്കിയതായി ചില്ഡ്രന്സ് ഹോം അധികൃതര് പറഞ്ഞു.
ചില്ഡ്രന്സ് ഹോമില് വിവിധ മതങ്ങളില്പ്പെട്ട പെണ്കുട്ടികള് ഉണ്ടായിരുന്നെന്നും എന്നാല്, അവരെ ക്രിസ്ത്യന് മതം അനുസരിച്ച് ആരാധിക്കാന് പഠിപ്പിക്കയാണെന്നും എഫ്ഐആറില് പറയുന്നു.
കുട്ടികള് താമസിക്കുന്ന സ്ഥലത്ത് സിസിടിവി ക്യാമറകളൊന്നും ഉണ്ടായിരുന്നില്ല. രണ്ട് വനിതാ സുരക്ഷാ ഉദ്യോഗസ്ഥര് ഒഴികെ, രാത്രിയില് രണ്ട് പുരുഷ ഗാര്ഡുകളുള്ളത് ചട്ടലംഘനമാണ്. ഗേള്സ് ഷെല്ട്ടര് ഹോമില് നിര്ബന്ധമായും വനിതാ ഗാര്ഡുകള് ഉണ്ടായിരിക്കണം. സംഭവത്തില് സംസ്ഥാന ചീഫ് സെക്രട്ടറിക്ക് നോട്ടീസ് അയച്ചിട്ടുണ്ട്.
https://www.facebook.com/Malayalivartha
