ലഗ്രാഞ്ച് പോയിന്റില് ആദിത്യ... ഇന്ത്യയുടെ ആദ്യ സൂര്യ പഠന ഉപഗ്രഹം ആദിത്യ എല് വണ് ലക്ഷ്യത്തില്... ആദിത്യ എല്വണ് ലക്ഷ്യത്തിലെത്തിയെന്ന് ലോകത്തെ അറിയിച്ച് പ്രധാനമന്ത്രി, അഭിനന്ദനവുമായി രാഷ്ട്രപതി ദ്രൗപദി മുര്മു
ലഗ്രാഞ്ച് പോയിന്റില് ആദിത്യ... ഇന്ത്യയുടെ ആദ്യ സൂര്യ പഠന ഉപഗ്രഹം ആദിത്യ എല് വണ് ലക്ഷ്യത്തില്... ആദിത്യ എല്വണ് ലക്ഷ്യത്തിലെത്തിയെന്ന് ലോകത്തെ അറിയിച്ച് പ്രധാനമന്ത്രി, അഭിനന്ദനവുമായി രാഷ്ട്രപതി ദ്രൗപദി മുര്മു.
ദൗത്യം മനുഷ്യരാശിക്ക് ഗുണകരമാകുമെന്നും നിര്ണായക ദൗത്യങ്ങളിലെ സ്ത്രീ പങ്കാളിത്തം സ്ത്രീ ശാക്തീകരണത്തെ പുതിയ ഉയരങ്ങളിലെത്തിച്ചെന്നും ദ്രൗപദി മുര്മു അഭിനന്ദിച്ചു. ഏറ്റവും സങ്കീര്ണ്ണവും സങ്കീര്ണ്ണവുമായ ബഹിരാകാശ ദൗത്യങ്ങള് സാക്ഷാത്കരിക്കുന്നതില് നമ്മുടെ ശാസ്ത്രജ്ഞരുടെ അക്ഷീണമായ അര്പ്പണബോധത്തിന്റെ തെളിവാണിതെന്ന് ദൗത്യ വിജയം പ്രഖ്യാപിച്ച് പ്രധാനമന്ത്രി പറഞ്ഞു. ഈ അസാധാരണ നേട്ടത്തെ അഭിനന്ദിക്കുന്നതില് ഞാന് രാജ്യത്തോടൊപ്പം ചേരുകയും മനുഷ്യരാശിയുടെ പ്രയോജനത്തിനായി ഞങ്ങള് ശാസ്ത്രത്തിന്റെ പുതിയ അതിര്ത്തികള് പിന്തുടരുന്നത് തുടരുമെന്നും അദ്ദേഹം വ്യക്തമാക്കി.
ഇന്നലെ നാല് മണിയോടെയാണ് ആദിത്യ എല്1 ഒന്നാം ലഗ്രാഞ്ച് പോയിന്റിന് ചുറ്റുമുള്ള ഹാലോ ഓര്ബിറ്റില് പ്രവേശിച്ചത്. ബെംഗളുരൂവിലെ ഐഎസ്ആര്ഒ ട്രാക്കിംഗ് ആന്ഡ് ടെലിമെട്രി നെറ്റ്വര്ക്കില് നിന്നാണ് പേടകത്തെ നിയന്ത്രിക്കുന്നത്.
കഴിഞ്ഞ വര്ഷം സെപ്റ്റംബര് രണ്ടിന് വിക്ഷേപിച്ച പേടകം 126 ദിവസത്തെ യാത്രയ്ക്ക് ശേഷമാണ് നിര്ദ്ദിഷ്ട ലക്ഷ്യസ്ഥാനത്തെത്തുന്നത്. ദൗത്യം വിജയിച്ചതോടെ ഒന്നാം ലഗ്രാഞ്ച് പോയിന്റില് ഉപഗ്രഹമെത്തിക്കുന്ന നാലാമത്തെ ബഹിരാകാശ ഏജന്സിയെന്ന അതുല്യ നേട്ടത്തിലും ഐഎസ്ആര്ഒ എത്തി.
ഏഴ് പേ ലോഡുകളാണ് ആദിത്യ എല് വണ്ണിലുള്ളത്. സൂര്യന്റെ കൊറോണയെ പഠിക്കാനുള്ള വിസിബിള് എമിഷന് ലൈന് കൊറോണോഗ്രാഫ് ആണ് ഒന്നാമത്തേത്. ബെംഗളൂരുവിലെ ഇന്ത്യന് ഇന്സ്റ്റിറ്റിയൂട്ട് ഓഫ് ആസ്ട്രോഫിസിക്സാണ് ഇത് നിര്മ്മിച്ചത്.
പുണെയിലെ ഇന്റര് യൂണിവേഴ്സിറ്റി സെന്റര് ഫോര് അസ്ട്രോണമി ആന്ഡ് അസ്ട്രോ ഫിസിക്സ് വികസിപ്പിച്ച സോളാര് അള്ട്രാവയലറ്റ് ഇമേജിംഗ് ടെലിസ്കോപ്പ് ആണ് രണ്ടാമത്തെ ഉപകരണം.
സൂര്യനില് നിന്നുള്ള എക്സ് റേ തരംഗങ്ങളെ പഠിക്കാനുള്ള സോളാര് ലോ എന്ര്ജി എക്സ് റേ സ്പെക്ട്രോ മീറ്റര് , ഹൈ എനര്ജി എല് വണ് ഓര്ബിറ്റിങ്ങ് എക്സ് റേ സ്പെക്ട്രോമീറ്റര് എന്നിവയാണ് മറ്റ് രണ്ട് പേ ലോഡുകള്.
സൂര്യനില് നിന്ന് വരുന്ന കണങ്ങളെ നിരീക്ഷിക്കാനുള്ള ആദിത്യ സോളാര് വിന്ഡ് പാര്ട്ടിക്കിള് എക്സ്പെരിമന്റ് പ്ലാസ്മ അനലൈസര് പാക്കേജ് ഫോര് ആദിത്യ എന്നീ ഉപകരണങ്ങളും ഒരു മാഗ്നെറ്റോമീറ്ററും ദൗത്യത്തിന്റെ ഭാഗമാണ്.
തിരുവനന്തപുരം വിക്രം സാരാഭായ് സ്പേസ് സെന്ററിലെ സ്പേസ് ഫിസിക്സ് ലബോറട്ടറിയാണ് ജഅജഅ പേ ലോഡിന് പിന്നില്. ഇന്ത്യന് ശാസ്ത്ര ഗവേഷണ സ്ഥാപനങ്ങള് വ്യത്യസ്ത പരീക്ഷണ ഉപകരണങ്ങളുമായി ദൗത്യത്തില് നിര്ണായക പങ്കുവഹിക്കുന്നുവെന്നത് ആദിത്യ എല് വണ്ണിന്റെ പ്രത്യേകതയാണ്.
"
https://www.facebook.com/Malayalivartha
