ചക്രക്കാലുകളുമായി ആമ
രണ്ട് കാലുകള്‍ നഷ്ടമായ ആമയ്ക്ക് ചക്രക്കാലുകള്‍ ഘടിപ്പിച്ചു നല്‍കി യുവതി.
പതിനഞ്ച് വയസുള്ള പെട്രോ എന്ന ആമയ്ക്കാണ് സാന്ദ്രെ ടെയ്ലര്‍ എന്ന യുവതി ശരീരത്തില്‍ ചക്രക്കാലുകള്‍ ഘടിപ്പിച്ചു നല്‍കി കരുണയുടെ പ്രതിരൂപമായി മാറിയത്.
സാന്ദ്രെയ്ക്ക് ആമയെ ലഭിക്കുമ്പോള്‍ മൂന്ന് കാലുകള്‍ മാത്രമാണുണ്ടായിരുന്നത്. കുറച്ചു നാളുകള്‍ കൂടി കഴിഞ്ഞപ്പോള്‍ ആമയുടെ ഒരു കാലും കൂടി നഷ്ടമായി.
ഏറെ ദുഖിതയായ സാന്ദ്രെ എന്തെങ്കിലും പരിഹാരം കാണുവാന്‍ തീരുമാനിച്ചു.ഏറെ നാളത്തെ അന്വേഷണത്തിനൊടുവില്‍ സാന്ദ്രെ, ലൂസിയാന സ്റ്റേയ്റ്റ് വെറ്റിനറി ടീച്ചിംഗ് ഹോസ്പിറ്റലുമായി ബന്ധപ്പെട്ടു.
പിന്നിലെ രണ്ട് കാലുകള്‍ നഷ്ടപ്പെട്ടതല്ലാതെ പെട്രോയ്ക്ക് മറ്റ് ആരോഗ്യപ്രശ്‌നങ്ങളൊന്നുമില്ലെന്ന് പരിശോധനയില്‍ തെളിഞ്ഞു. തുടര്‍ന്ന് പെട്രോയ്ക്ക് ശരീരത്തില്‍ ചക്രക്കാലുകള്‍ ഘടിപ്പിക്കുവാന്‍ ഡോക്ടര്‍മാര്‍ തീരുമാനിച്ചു.
തുടര്‍ന്ന് പെട്രോയുടെ ശരീരഭാരത്തിന് അനുസരിച്ചുള്ള വീല്‍ചെയര്‍ നിര്‍മിച്ച് ശരീരത്തില്‍ ഘടിപ്പിച്ചു. വീല്‍ചെയറുമായി പെട്രോ നടക്കുന്നതിന്റെ ദൃശ്യങ്ങള്‍ സോഷ്യല്‍മീഡിയയില്‍ വൈറലായി മാറുകയാണ്.
https://www.facebook.com/Malayalivartha
