വീട്ടിൽ പ്രേതബാധയുണ്ടെന്നും ഇതിന്റ ദൃശ്യങ്ങൾ സിസിടിവിയിൽ പതിഞ്ഞെന്ന വാദവുമായി ദമ്പതികൾ രംഗത്ത്. മാത്യു കെയിനും, ഭാര്യ ലോറനും സിസിടിവി ദൃശ്യങ്ങള്‍ പരിശോധിക്കുന്നതിനിടെയാണ് ഈ വീഡിയോ ലഭിച്ചത്. സോഷ്യല്‍ മീഡിയയില്‍ നിമിഷ നേരം കൊണ്ട് ഈ ദൃശ്യങ്ങൾ വൈറലാവുകയും ചെയ്തു. ഇതില്‍ ഒരു അജ്ഞാത രൂപത്തെ കാണാന്‍ സാധിക്കും. ഇവരുടെ വളര്‍ത്തു നായ്‌ക്കൊപ്പം നടക്കുന്ന രൂപത്തെയാണ് ഈ ദൃശ്യങ്ങളില്‍ കാണാന്‍ സാധിക്കുക. ഇതൊരു പ്രേതമാണെന്ന് ഇവര്‍ പറയുന്നു. അതും തങ്ങളുടെ കുടുംബത്തിലെ ഒരംഗത്തിന്റെ പ്രേതമാണെന്ന് ഇവര്‍ അവകാശപ്പെടുന്നു. ആരെയും ഭയപ്പെടുത്തുന്ന ദൃശ്യങ്ങളാണ് ഇത്.

എന്താണ് ഈ അജ്ഞാത രൂപമെന്നതിന് വിശദീകരണവും ലഭിച്ചിട്ടില്ല. ഒരു ക്യാബിനിറ്റിന്റെ ഉള്ളില്‍ നിന്ന് വെളുത്ത വസ്ത്രമണിഞ്ഞ ഒരു രൂപം അവ്യക്തമായ രീതിയില്‍ നില്‍ക്കുന്നതാണ് കാണാന്‍ സാധിക്കും. ഈ ദമ്പതിമാരുടെ ഓസ്‌ട്രേലിയന്‍ ഷെപ്പേര്‍ഡ് നായയെയും ഇതിനടുത്തായി കാണാം.

എന്നാല്‍ നിമിഷ നേരത്തിനുള്ളില്‍ ഈ രൂപ മിന്നിമറയുന്നതും കാണാം. ഞൊടിയിടയില്‍ ഇത് എങ്ങോട്ട് പോയി എന്നതും അവ്യക്തമാണ്. ജനുവരി 14നാണ് സംഭവം നടന്നത്. ഇത്രയും സംഭവങ്ങള്‍ സിസിടിവി ദൃശ്യങ്ങളില്‍ പതിഞ്ഞിട്ടുണ്ട്. തങ്ങള്‍ക്ക് ഈ സംഭവം തത്സമയം കാണാന്‍ സാധിച്ചില്ലെന്ന് ഇവര്‍ പറയുന്നു.

സിസിടിവി ദൃശ്യങ്ങള്‍ പരിശോധിക്കുന്നതിനിടെയാണ് ഈ വീഡിയോ ലഭിച്ചത്. കട്ടിലില്‍ കിടന്നിരുന്ന മാത്യു കെയിന്‍ ഇത് കണ്ട് ആകെ ഞെട്ടിപ്പോയി. ഭാര്യയാണ് ഈ വീഡിയോ കാണിച്ചത്. ആ സമയം തന്റെ മുഖത്ത് വന്ന ഭയം പറഞ്ഞറിയിക്കാനാവാത്തതാണെന്നും കെയിന്‍ പറയുന്നു. തങ്ങളുടെ തൊട്ടപ്പുറമുള്ള മുറിയിലാണ് ഇത് നടന്നത്. ഭയക്കാതിരിക്കാന്‍ യാതൊരു കാരണവുമില്ല. ഞങ്ങളുടെ നായയെ നടത്തിക്കാന്‍ എത്തിയത് വളരെ ഉയരമുള്ള വ്യക്തിയാണ്. കണ്ടപ്പോള്‍ തന്നെ താന്‍ ഭയന്നുപോയെന്നും കെയിന്‍ പറഞ്ഞു.

ഈ പ്രേതത്തെ കണ്ട ക്യാബിനറ്റ് ലോകത്തെമ്പാടും നിന്ന് കൊണ്ടുവന്ന പുരാവസ്തു ശേഖരമുള്ള മുറിയാണെന്നും മാത്യു കെയിന്‍ പറയുന്നു. ഒപ്പം മരിച്ചുപോയ ബന്ധുക്കളോ, ചത്തുപോയ വളര്‍ത്തുമൃങ്ങളോ ആണ്. ഇവയുടെ ചിതാഭസ്മമാണ് ഇതില്‍ സൂക്ഷിച്ചിരുന്നത്. ഈ അജ്ഞാത രൂപ തങ്ങളുടെ കുടുബാംഗങ്ങളില്‍ ഒരാളാണെന്ന് ഉറപ്പാണ്. ഒന്നുകില്‍ ബന്ധു അല്ലെങ്കില്‍ കുടുംബത്തില്‍ തന്നെയുള്ള ഒരാള്‍. കാരണം ഇതിനെ കണ്ടിട്ടും ഞങ്ങളുടെ നായ കുരയ്ക്കുക പോലും ചെയ്തിരുന്നില്ല. ആ ദൃശ്യങ്ങളില്‍ ഒരിക്കല്‍ പോലും നായ കുരച്ചിട്ടില്ലെന്നും മാത്യു പറഞ്ഞു.

അറിയാവുന്ന ആളായത് കൊണ്ടാണ് നായ കുരയ്ക്കാതിരുന്നത്. ഇല്ലെങ്കില്‍ മറിച്ചായിരുന്നു സംഭവിക്കേണ്ടിയിരുന്നത്. ഇതിന് കൃത്യമായൊരു രൂപമുണ്ട്. പിന്നിലായി പ്രകാശവും കാണാന്‍ സാധിക്കുന്നുണ്ടെന്ന് മാത്യു പറഞ്ഞു. അതേസമയം ഇതിന് യുക്തിഭദ്രമായ വിശദീകരണമൊന്നും ഇതുവരെ നല്‍കാന്‍ മാത്യുവിനും ലോറയ്ക്കും സാധിച്ചിട്ടില്ല.

ഈ ദൃശ്യങ്ങള്‍ പാരാനോര്‍മല്‍ പേജില്‍ ഇവര്‍ അപ്ലോഡ് ചെയ്യുകയായിരുന്നു. എന്നാല്‍ ഇത് എന്താണെന്ന് പാരാനോര്‍മല്‍ വിദഗ്ധര്‍ അന്വേഷിക്കണമെന്നാണ് ആവശ്യം. ആരാണ് ഇതെന്ന് അറിയേണ്ടതുണ്ടെന്നും ഇവര്‍ പറയുന്നു. ഇതിന് മുമ്പ് യുഎസിലെ മിനസോട്ടയിലുള്ള ജോയ്, എമി റാഡ്കേ ദമ്പതികളും ഇത്തരം വിചിത്രവാദവുമായി രംഗത്ത് എത്തിയിരുന്നു.

ഇവരുടെ കിടപ്പു മുറിയുടെ മുൻവശത്തായി ഹാളിൽ ഒരു രൂപം നിൽക്കുന്നതും ഇതു കണ്ട് വളർത്തു പൂച്ചകൾ മേശയ്ക്ക് അടിയില്‍ ഒളിക്കുന്നതുമായ ദൃശ്യങ്ങൾ സിസിടിവിയിൽനിന്നു ലഭിച്ചതായി ഇവർ പറയുന്നു. രണ്ടു വർഷം മുമ്പാണ് ജോയും എമിയും ഈ വീട്ടിലേക്ക് താമസം മാറ്റിയത്. മുൻപൊരു താമസക്കാരി ഇവിടെ മരിച്ചിരുന്നു. വീട്ടിൽ എന്തൊക്കെയോ അസാധാരണമായി ഉണ്ടെന്ന് അതിനുശേഷം താമസിച്ചവർ പറഞ്ഞതായി ഉടമ ഇവരെ അറിയിച്ചിരുന്നു. എന്നാൽ കഴിഞ്ഞ ആഴ്ച വരെയും യാതൊരു പ്രശ്നങ്ങളും ഉണ്ടായിട്ടില്ല.

വളര്‍ത്തു മൃഗങ്ങളെ നിരീക്ഷിക്കാനാണ് ഹാളിൽ ക്യാമാറ വച്ചത്. ഈ ദൃശ്യങ്ങൾ പരിശോധിക്കുമ്പോഴാണ് റൂമിന്റെ മുൻപിൽ ഒരു രൂപം നിൽക്കുന്നത് ശ്രദ്ധയിൽപ്പെട്ടത്. സമയം രാത്രി 10.40. നൈറ്റ് ഗൗൺ ധരിച്ച്, അലങ്കോലമായ മുടിയുമായി ഒരു സ്ത്രീ രൂപം ദൃശ്യങ്ങളിൽ തെളിയുന്നു. ഏതാണ് 20 സെക്കന്റ് ഈ രൂപത്തെ കാണാം. ഈ സമയം പൂച്ചകൾ മേശയ്ക്ക് അടിയിൽ ഒളിക്കുന്നതിനാൽ അവയും ഇതുകണ്ടെന്ന് ഉറപ്പാണെന്ന് ജോയി പറയുന്നു.