അഫ്ഗാന് ക്രിക്കറ്റ് ആരാധകന് താമസസ്ഥലം ഒരുക്കാന് പോലീസ് ഇടപെടല് വേണ്ടിവന്നു!
അഫ്ഗാനിസ്ഥാന്റെ മത്സരം കാണാന് കാബൂളില്നിന്നു ലക്നൗവില് എത്തിയതാണ് ഷേര് ഖാന് എന്ന ക്രിക്കറ്റ് ആരാധകന്.
എന്നാല്, ഇവിടെ ഷേര് ഖാനെ കാത്തിരുന്നത് വലിയ പ്രശ്നങ്ങളായിരുന്നു. താമസിക്കാന് ഒരു മുറി കിട്ടാതെ 3 ദിവസം ഈ ആരാധകന് അലഞ്ഞു തിരിയേണ്ടി വന്നു.
എട്ടടി രണ്ടിഞ്ചാണ് (2.489 മീറ്റര്) ഈ കാബൂള് സ്വദേശിയുടെ ഉയരം. ഏതു ഹോട്ടലില് ചെന്നാലും ഷേര് ഖാനെ കാണുമ്പോള്തന്നെ ജീവനക്കാര് നോ പറയും. ഇത്രയും പൊക്കമുള്ള ആള്ക്കു തല മുട്ടാതെ താമസിക്കാന് പറ്റിയ സൗകര്യം ഇല്ലെന്നു പറഞ്ഞാണു ഹോട്ടലുകാര് ഷേര് ഖാനെ മടക്കിയത്. ഒടുവില് പൊലീസ് സ്റ്റേഷനിലെത്തി ഖാന് പരാതി നല്കി. പൊലീസുകാര് ഇടപെട്ടു താമസസ്ഥലം ഒരുക്കുകയും ചെയ്തു.
വെസ്റ്റിന്ഡീസിനെതിരായ അഫ്ഗാനിസ്ഥാന്റെ ഏകദിന മത്സരം കാണാനാണു ഷേര് ഖാന് ലക്നൗവിലെത്തിയത്. ആഭ്യന്തരപ്രശ്നങ്ങള്മൂലം അഫ്ഗാനിസ്ഥാന്റെ ഹോം ഗ്രൗണ്ട് ഇപ്പോള് ഇന്ത്യയാണ്. ആദ്യ ഏകദിനത്തില് ഖാന്റെ ടീം മോശം ബാറ്റിങ് പ്രകടനമാണു നടത്തിയത്. വിന്ഡീസിനെതിരെ 45.2 ഓവറില് 194 റണ്സിനു പുറത്തായി. വിന്ഡീസ് ഏഴു വിക്കറ്റിന് മത്സരം ജയിക്കുകയും ചെയ്തു.
https://www.facebook.com/Malayalivartha