ക്രിക്കറ്റിൽ വേർതിരിവുകളില്ലാതെ രാജ്യത്തിന് വേണ്ടി താരങ്ങൾ കളിക്കുകയാണ് എന്നാണ് കരുതുന്നത്. എങ്കിലും ഉത്തരേന്ത്യന്‍ രാഷ്ടീയ-ബിസിനസ് ലോബി പലപ്പോഴും ദക്ഷിണേന്ത്യയെ രണ്ടാം തരമായിട്ടാണ് കാണുന്നത് എന്നതിന് നിരവധി തെളിവുകൾ ഉണ്ട്. സമീപക്കാലത്തെ ഏറ്റവും വലിയ തെളിവാണ് കേരളത്തിന്‍റെ ക്രിക്കറ്റ് താരം പ്രതിഭയും കളിമികവും ഉണ്ടായിരുന്നിട്ടും ഇപ്പോഴും ടീം ഇന്ത്യയില്‍ പന്ത്രണ്ടാമനായി തുടരുന്ന സഞ്ജു സാംസണ്‍.

ഏറ്റവും ഒടുവിൽ ബംഗ്ലാദേശിനെതിരായ കളിക്കിടയിലെങ്കിലും ബിസിസിഐ, സഞ്ജുവിനെ കളിപ്പിക്കുമെന്ന് കരുതിയെങ്കിലും കേരളത്തിലെ ക്രിക്കറ്റ് പ്രേമികൾക്ക് നിരാശയായിരുന്നു ഫലം. സഞ്ജുവിനെക്കാള്‍ കളിമികവില്‍ പിന്നിലായിരുന്നിട്ടും ലഭിച്ച അവസരങ്ങളെല്ലാം നഷ്ടപ്പെടുത്തിയിട്ടും ബിസിസിഐ ഋഷഭ് പന്തിന് വീണ്ടും വീണ്ടും അവസരം നല്‍കുന്ന കാഴ്ച്ചയാണ് കാണുന്നത്. സഞ്ജുവിനെ അവഗണിക്കുന്ന ഉത്തരേന്ത്യന്‍ ലോബിയെ നിയന്ത്രിക്കുന്നത് ജാതിയും മതവുമാണെന്ന ആരോപണം ഉയര്‍ത്തി കേരളത്തിലെ ക്രിക്കറ്റ് പ്രേമികള്‍ ട്രോളുകളിലൂടെ പ്രതികരിക്കുകയാണ്.