മണ്ഡല കാല ആചാര വിശേഷമായ അംഗുലീയാങ്കം കൂത്ത് ഗുരുവായൂര്‍ ക്ഷേത്രത്തില്‍ തുടങ്ങി...
മണ്ഡല കാല ആചാര വിശേഷമായ അംഗുലീയാങ്കം കൂത്ത് ഗുരുവായൂര്‍ ക്ഷേത്രത്തില്‍ തുടങ്ങി. 12 ദിവസം അരങ്ങേറുന്ന അംഗുലീയാങ്കം കൂത്ത് ആചാര പ്രധാനമാണ്. ഈ മാസം 19 വരെയാണ് അംഗുലീയാങ്കം കൂത്ത്.
ഹനുമാന്‍ വേഷത്തില്‍ രാമായണം കഥ മുദ്രയിലൂടെ അവതരിപ്പിക്കുന്നതാണ് അംഗുലീയാങ്കം. ഇന്നലെ രാവിലെ ശ്രീലകത്തു നിന്നു നല്‍കിയ അഗ്‌നി കൂത്തമ്പലത്തിലെ മണ്ഡപ ദീപത്തില്‍ പകര്‍ന്നതോടെയാണ് കൂത്ത് ആരംഭിച്ചത്. പന്തീരടി പൂജയ്ക്ക് മുന്‍പ് കുട്ടഞ്ചേരി സംഗീത് ചാക്യാര്‍ ഹനുമാന്‍ വേഷധാരിയായി നാലമ്പലത്തില്‍ പ്രവേശിച്ച് സോപാനപ്പടിക്കയറി മണിയടിച്ച് ഗുരുവായൂരപ്പനെ വണങ്ങി.
നാലമ്പലത്തിനുള്ളില്‍ മേല്‍വസ്ത്രം ധരിച്ച് പ്രവേശിക്കാനും ദര്‍ശനം നടത്താനുമുള്ള അവകാശം അംഗുലീയാങ്കത്തിലെ ഹനുമാന്‍ വേഷധാരിയായ ചാക്യാര്‍ക്ക് മാത്രം അവകാശപ്പെട്ടതാണ്.
ഹനുമാന്‍ നേരിട്ടു വന്ന് ഭഗവാനെ തൊഴുത് പ്രസാദം സ്വീകരിക്കുന്നു എന്നാണ് സങ്കല്‍പ്പം. ശ്രീലകത്തു നിന്ന് മേല്‍ശാന്തി നേരിട്ട് പ്രസാദം നല്‍കുന്നതും ഹനുമാനു മാത്രമാണ്.
"
https://www.facebook.com/Malayalivartha
