ഗ്ലാമറസ് ആകാന് വീണ്ടും നയന്സ്
നയന്സിന്റെ ആരാധകര്ക്കൊരു സന്തോഷവാര്ത്ത, താരം വീണ്ടും സ്വിം സ്യൂട്ടണിയുന്നു. അജിത്ത് നയന്താര ജോഡികളായ 'ബില്ലാ'യില് സ്വിം സ്യൂട്ടില് വളരെ ഗ്ലാമറസ്സായി എത്തിയ നയന്താര ഏവരേയും ത്രില്ലടിപ്പിച്ചിരുന്നു. ചിത്രത്തിന്റെ വിജയത്തില് ഒരു നിര്ണായക ഘടകമായിരുന്നു ഈ സീന്.
പിന്നീട് അത്ര ഗ്ലാമറസ്സായി നയന്സ് അഭിനയിച്ചില്ല. ഒരു നീണ്ട ഇടവേളയ്ക്കുശേഷം ഇപ്പോള് 'ഇമൈക്കാ നൊടികള്' എന്ന ചിത്രത്തിനുവേണ്ടി വീണ്ടും നയന്താര സ്വിം സ്യൂട്ടിലെത്തുന്നു. രണ്ട് നായികമാര് അഭിനയിക്കുന്ന ഈ ചിത്രത്തില് ഗ്ലാമറിന് ഏറെ പ്രാധാന്യമുണ്ട്.
ഗ്ലാമറസായി അഭിനയിക്കാന് നയന്സിന് മടിയില്ല. എന്നാല് ഇത്തരം ചിത്രങ്ങളില് അഭിനയിക്കുമ്പോള് പ്രത്യേക ടേംസ് ആന്ഡ് കണ്ടീഷന്സ് താരം കരാറില് വയ്ക്കും. മാത്രമല്ല, പ്രതിഫലവും വാങ്ങും. നൃത്തരംഗങ്ങള് എ.സി സ്റ്റുഡിയോ ഫ്ളോറില് ഷൂട്ട് ചെയ്യണമെന്ന് താരത്തിന് നിര്ബന്ധമാണ്.
ഇന്ഡോറിലെ രംഗങ്ങള് എ.സി ഫ്ളോറില് ചിത്രീകരിച്ചില്ലെങ്കില് പെട്ടെന്ന് ക്ഷീണിക്കുമെന്ന് താരം പറയുന്നു. അതുപോലെ ഉപയോഗിക്കുന്ന ഡ്രസുകളുടെ മൂന്ന് ജോഡി വീതം വേണം. ഇടയ്ക്കിടെ ഫ്രഷ് ജ്യൂസ് വേണം അങ്ങനെ പോകുന്നു കാര്യങ്ങള്.
അര്മാന്, കൊളിയത്തൂര്കാലം എന്നീ ചിത്രങ്ങളിലാണ് താരം അടുത്തതായി അഭിനയിക്കുന്നത്. പഴയ പോലെ കൂടുതല് ചിത്രങ്ങളില് താരം കരാര് ഒപ്പിടുന്നില്ല. കാമുകനും സംവിധായകനുമായ വിഘ്നേഷിനൊപ്പം കൂടുതല് സമയം ചെലവഴിക്കുകയാണ് താരം.
കുറേ വര്ഷമായി തമിഴിലെ നമ്പര് വണ് താരമായി നില്ക്കുന്ന നയന്സിനെ പിന്തള്ളാന് അനുഷ്കാ ഷെട്ടിക്ക് പോലും കഴിഞ്ഞിട്ടില്ല. തൃഷയുടെ എക്കാലത്തെയും ആഗ്രഹമാണ് നയന്സിനെ മറികടക്കണമെന്ന്.
https://www.facebook.com/Malayalivartha
