ഭര്‍ത്താവിനെ മരിക്കാന്‍ അനുവദിക്കണമെന്ന് ഭാര്യയുടെ അപേക്ഷ: കണ്ണ് നനയിയ്ക്കും ഈ കുടുംബ ജീവിതം
ഭര്‍ത്താവിനെ മരിക്കാന്‍ അനുവദിക്കണമെന്ന് ആവശ്യപ്പെടുന്ന ഭാര്യയുടെ ദയനീയത വാര്‍ത്തകളില്‍ നിറയുകയാണ്. നാല്‍പതുകാരിയായ ലിന്‍ഡ്‌സെ എന്ന യുവതിയാണ് ഭര്‍ത്താവിന്റെ മരണത്തിനു വേണ്ടി നിയമത്തിനു മുന്നില്‍ എത്തിയിരിക്കുന്നത്. ലിന്‍ഡ്‌സെയുടെ ഭര്‍ത്താവ് പോള്‍ ബ്രിഗ്‌സ് ഗള്‍ഫ് യുദ്ധത്തിലെ പോരാളി ആയിരുന്നു.ബ്രിഗ്‌സ് പിന്നീട് പോലീസില്‍ ചേര്‍ന്നു.എന്നാല്‍ കഴിഞ്ഞ വര്‍ഷം ജൂലൈയില്‍ ഡ്യൂട്ടി ചെയ്യുന്നതിനിടയില്‍ ഉണ്ടായ ഒരു മോട്ടോര്‍ സൈക്കിള്‍ അപകടം ബിഗ്‌സിന്റെ ശരീരം പൂര്‍ണമായി തളര്‍ത്തി.
തെറ്റായദിശയില്‍ എതിരെവന്ന വാഹനം ബ്രിഗ്‌സിനെ ഇടിച്ചുതെറിപ്പിച്ചു. കഴിഞ്ഞ പതിനേഴു മാസമായി യാതൊരു ചലനം പോലുമില്ലാതെ ബ്രിഗ്‌സ് തീര്‍ത്തും കിടപ്പിലാണ്. മരണത്തിന് സമാനമായ ഭര്‍ത്താവിന്റെ കിടപ്പ് കണ്ടാണ് ലിന്‍ഡ്‌സെ ഭര്‍ത്താവിനെ മരിക്കാന്‍ അനുവദിക്കണം എന്ന് ആവശ്യപ്പെടുന്നത്. ബ്രിഗ്‌സ് ഇതുവരെയും സംസാരിക്കുകയോ ശരീരം അനക്കുകയോ ചെയ്തിട്ടില്ല. മെഡിക്കല്‍ രംഗത്തെ വിദഗ്ധരില്‍ നിന്നും കുടുംബത്തില്‍ നിന്നും വിവരങ്ങള്‍ ശേഖരിച്ചതിനു ശേഷം കോര്‍ട്ട് ഓഫ് പ്രൊട്ടക്ഷന്‍ ഇക്കാര്യത്തില്‍ വിധി പ്രസ്താവിക്കും.
https://www.facebook.com/Malayalivartha
