മുസ്ലീം വിദ്യാര്ത്ഥിനികളെ ഹിജാബ് ധരിച്ച് പരീക്ഷയെഴുതാന് അനുവദിച്ച പരീക്ഷാ ഡ്യൂട്ടിയിലുണ്ടായിരുന്ന ഏഴ് അദ്ധ്യാപകര്ക്ക് സസ്പെന്ഷന്
മുസ്ലീം വിദ്യാര്ത്ഥിനികളെ ഹിജാബ് ധരിച്ച് പരീക്ഷയെഴുതാന് അനുവദിച്ച പരീക്ഷാ ഡ്യൂട്ടിയിലുണ്ടായിരുന്ന ഏഴ് അദ്ധ്യാപകര്ക്ക് സസ്പെന്ഷന്. എസ് എസ് എല് സി പരീക്ഷ എഴുതാന് എത്തിയ വിദ്യാര്ത്ഥികളെയാണ് ഹിജാബ് ധരിച്ച് പരീക്ഷ എഴുതാന് അദ്ധ്യാപകര് അനുവദിച്ചത്.
കര്ണാടകയിലെ ഗഡഗ് ജില്ലയിലെ സിഎസ് പാട്ടീല് ബോയ്സ് ഹൈസ്കൂള്, സിഎസ് പാട്ടീല് ഗേള്സ് ഹൈസ്കൂള് എന്നിവിടങ്ങളിലെ എസ് എസ് എല് സി പരീക്ഷയ്ക്കിടെയാണ് സംഭവം നടന്നത്.
രണ്ട് കേന്ദ്രങ്ങളിലെയും പരീക്ഷയുടെ നടത്തിപ്പ് ചുമതലയുള്ള സൂപ്രണ്ടുമാരുള്പ്പടെ ഏഴ് അദ്ധ്യാപകര്ക്കെതിരെയാണ് നടപടി.
കോളേജില് ഹിജാബ് ധരിച്ചതിന് കര്ണാടക ഉഡുപ്പി പ്രി യൂണിവേഴ്സിറ്റി കോളജില് നിന്ന് ആറ് വിദ്യാര്ത്ഥികളെ പുറത്താക്കിയിരുന്നു.ഇവരാണ് ഹിജാബ് ധാരണം സംബന്ധിച്ച് കര്ണാടക ഹൈക്കോടതിയെ സമീപിച്ചത്. എന്നാല് കോടതി ഹിജാബ് നിരോധിക്കുകയായിരുന്നു. വിധിയ്ക്കെതിരെ വിദ്യാര്ത്ഥിനികള് സുപ്രീം കോടതിയെ സമീപിച്ചിട്ടുണ്ട്.
വിദ്യാഭ്യാസ സ്ഥാപനങ്ങളില് ഹിജാബ് ധരിക്കുന്നത് തടഞ്ഞു കൊണ്ട് കഴിഞ്ഞ മാര്ച്ച് 15 നാണ് കര്ണാടക ഹൈക്കോടതി വിധി പുറപ്പെടുവിച്ചത്.
"
https://www.facebook.com/Malayalivartha
