ശക്തമായ മഴയിലും കാറ്റിലും ഇടുക്കി ജില്ലയിൽ വ്യാപക നാശ നഷ്ടം. മഴയിലും കാറ്റിലും പുല്ല് മേട് കന്നിക്കല്ല് പാറക്കടവിൽ ബി ബഷീറിന്റെ ഒന്നര ഏക്കർ സ്ഥലത്തെ മൂന്ന് വർഷം പ്രായമായ ഏലകൃഷിനശിച്ചു. കായ് എടുക്കാറായ ചെടികളാണ് നശിച്ചിരിക്കുന്നത്. ഏകദേശം 5 ലക്ഷത്തിൽപരം രൂപയുടെ നാശനഷ്ടമാണുണ്ടായിരിക്കുന്നത്. ഒന്നേ മുക്കാൽ ലക്ഷത്തോളം രൂപ അടുത്ത മുടക്കി പണിതീർത്ത ഏലച്ചെടികളാണ്. 3 വർഷമായ ചെടി ഈ വർഷമാണ് നല്ല രീതിയിൽ കയ്ച്ചത്. അടുത്ത ആഴ്ച ആദ്യ കായ് എടുക്കാനിരിക്കവെയാണ് മഴയുടെയും കാറ്റിന്റെയും വരവ്' കാറ്റ് നിൽക്കുന്നതിനാൽ ഇനിയും കൂടുതൽ ചെടികൾ നശിക്കുമെന്ന ആശങ്കയിലാണ് കർഷകർ.

മാട്ടുക്കട്ടയിൽ ഒരേക്കർ സ്ഥലത്തെ ഏത്തവാഴകൾ ഒടിഞ്ഞ് വീണ് നാശനഷ്ടമുണ്ടായി. മുട്ടക്കട്ട കൊല്ലം പറമ്പിൽ രതീഷിന്റെ ഏത്തവാഴ തോട്ടമാണ് നശിച്ചത്. ലോൺ എടുത്താണ് രതീഷ് കൃഷിയിറക്കിയത്. കുലച്ച ഏത്തവാഴകളാണ് കാറ്റിൽ ഒടിഞ്ഞ് വീണത്.കഴിഞ്ഞവർഷവും രതീഷ് ഏത്ത കൃഷി നടത്തിയിരുന്നു.എന്നാൽ അന്നും കാറ്റും മഴയും വില്ലനായി. മുഴുവൻ ഏത്തവാഴയും നഷ്ടപ്പെട്ടു. വിള ഇൻഷുറൻസ് രണ്ടായിട്ടും കൃഷി വകുപ്പ് ഒരു രൂപ പോലും നൽകിയില്ല. ലക്ഷങ്ങൾ മുടക്കി ഇറക്കി കൃഷി ഈ വർഷവും നഷ്ടപ്പെട്ടിരിക്കുകയാണ്. പ്രകൃതിക്ഷോപം തുടർച്ചയായുണ്ടായതോടെ ഈ കർഷകൻ വലിയ കടക്കെണിയിലകപ്പെട്ടിരിക്കുകയാണ്.

ശക്തമായി തുടരുന്ന മഴയിലും കാറ്റിലും ഉപ്പുതറ കാഞ്ചിയാർ പഞ്ചായത്തുകളിൽ വ്യാപക നാശനഷ്ടമാണ് ഉണ്ടായത് കൃഷി ദേഖണ്ഡങ്ങളും പുരയിടത്തിനും പുരയിടത്തിന്റെ സംരക്ഷണഭിത്തി ഇടിഞ്ഞുവീണു. കൂടാതെ പ്രദേശത്തെ വിവിധ പൊതുമരാമത്ത് പഞ്ചായത്ത് റോഡുകളിൽ വെള്ളക്കെട്ടും രൂപപ്പെട്ടിട്ടുണ്ട് ഉപ്പുതറ പത്തേക്കർ കുറ്റിക്കാലായിൽ ബേബിയുടെ അഞ്ഞൂറ് മുകളിൽ എത്ത വാഴകളാണ് ശക്തമായ കാറ്റിൽ നിലംപൊത്തിയത് കുലച്ച് പകുതി പാകമായ കുലകളാണ് നശിച്ചത് പാട്ടത്തിനെടുത്താണ് ബേബി കൃഷി ഇറക്കിയത് ഇതോടെ എന്ന് ചെയ്യണമെന്നറിയാതെ പ്രതിസന്ധിയിലായിരിക്കുകയാണ് ബേബി കൂടാതെ സമീപത്ത് കൃഷി ഇറക്കിത കപ്പത്തോട്ടവും കാറ്റിൽ നിലംപരിശായി കാഞ്ചിയാർ കൽത്തൊട്ടിയി പ്ലാക്കൽ രമണന്റെ വീടിന്റെ സംരക്ഷണഭിത്തി ഇടിഞ്ഞ് അപകടാവസ്ഥയിലായി മണ്ണ് ഇ ടിഞ്ഞതോടെ പുരയിടത്തിലേക്ക് കയറുന്ന വഴി ഉൾപെടെ താറ് മാറായി കിഴക്കേ മാട്ടുക്കട്ടയിൽ പാലത്തിന്റെ കൽകെട്ട് ഇടിഞ്ഞ് താഴ്ന്നു കൂടാതെ വെള്ളി ലാംകണ്ടം അപ്പാപ്പൻ പടി റോഡ് സൈഡ് ഇടിഞ്ഞ് താഴ്ന്നു അയ്യപ്പൻകോവിൽ വില്ലേജ് വിടയിൽ വീടിനു മുകളിൽ മരച്ചില്ല വീണ് ഭാഗീകമായി വീട് തകർന്നു
കൂടാതെ പ്രദേശത്തെ വൈദ്യതി ബന്ധം താറ് മാറായി കിടക്കുകയാണ് ഭാഗീകമായി മാത്രം ചില സ്ഥലങ്ങളിൽ വൈദ്യതി പുനസ്ഥാപിച്ചു . എന്നാലും ശക്തമായ കാറ്റും മഴയും മൂലം വൈദ്യതി ബന്ധം വീണ്ടും തകരാറിലാക്കുന്നുണ്ട്