പ്ലസ്വണ് പ്രവേശനം... ഒന്നാം അലോട്ട്മെന്റ് ലിസ്റ്റ് പ്രസിദ്ധീകരിച്ചു
പ്ലസ് വണ് പ്രവേശനത്തിന്റെ ആദ്യ അലോട്ട്മെന്റ് ലിസ്റ്റ് പ്രസിദ്ധീകരിച്ചു. ആദ്യ ലിസ്റ്റ് അനുസരിച്ചുള്ള വിദ്യാര്ത്ഥി പ്രവേശനം ഇന്നും നാളെയും നടക്കും. വിവരങ്ങള് വെബ്സൈറ്റില് ലഭിക്കും. വിദ്യാര്ത്ഥികള് അലോട്ട്മെന്റ് ലഭിക്കുന്ന സ്കൂളില് നാളെ അഞ്ചിനു മുമ്പ് പ്രവേശനം നേടണം. അലോട്ട്മെന്റ് ലഭിച്ചിട്ടും താല്ക്കാലിക പ്രവേശനം നേടാതിരിക്കുന്ന വിദ്യാര്ത്ഥികളെ പിന്നീട് പരിഗണിക്കില്ല.
ആദ്യ അലോട്ട്മെന്റില് ഒന്നാമത്തെ ഓപ്ഷന് ലഭിക്കുന്നവര് ഫീസടച്ച് സ്ഥിര പ്രവേശനം നേടണം. മറ്റ് ഓപ്ഷനുകളില് അലോട്ട്മെന്റ് ലഭിക്കുന്നവര്ക്ക് അവരവരുടെ ഇഷ്ടാനുസരണം താല്ക്കാലിക പ്രവേശനമോ സ്ഥിരം പ്രവേശനമോ നേടാം. താല്ക്കാലിക പ്രവേശനത്തിന് ഫീസടയ്ക്കേണ്ട. താല്ക്കാലിക പ്രവേശനം നേടുന്നവര്ക്ക് ആവശ്യമെങ്കില് തെരഞ്ഞെടുത്ത ഏതാനും ഉയര്ന്ന ഓപ്ഷനുകള്മാത്രമായി റദ്ദാക്കാം. ഇതിനുള്ള അപേക്ഷയും പ്രവേശനം നേടുന്ന സ്കൂളിലാണ് നല്കേണ്ടത്.
ആദ്യ അലോട്ട്മെന്റില് ഇടം നേടാത്തവര് അടുത്ത അലോട്ട്മെന്റുകള്ക്കായി കാത്തിരിക്കണം. വിദ്യാര്ത്ഥികള്ക്ക് തങ്ങള് അപേക്ഷിച്ച ഓരോ സ്കൂളിലെയും കാറ്റഗറി തിരിച്ചുള്ള അവസാന റാങ്ക് വിവരങ്ങള് പരിശോധിക്കാം.
രണ്ടാമത്തെ അലോട്ട്മെന്റിനുശേഷം ഇതുവരെ അപേക്ഷിക്കാന് കഴിയാത്തവര്ക്കു സപ്ലിമെന്ററി അലോട്ട്മെന്റിനായി പുതിയ അപേക്ഷ സ്വീകരിക്കും. സ്പോര്ട്സ് ക്വാട്ട സ്പെഷല് അലോട്ട്മെന്റ് ഫലവും ഇതോടൊപ്പം പ്രസിദ്ധീകരിച്ചിട്ടുണ്ട്.
https://www.facebook.com/Malayalivartha
