ആദ്യ ഡോസ് കൊറോണ വൈറസ് പ്രതിരോധ വാക്സിന് സ്വീകരിച്ച് ഡല്ഹി മുഖ്യമന്ത്രി അരവിന്ദ് കെജ്രിവാള്
ആദ്യ ഡോസ് കൊറോണ വൈറസ് പ്രതിരോധ വാക്സിന് സ്വീകരിച്ച് ഡല്ഹി മുഖ്യമന്ത്രി അരവിന്ദ് കെജ്രിവാള് . ലോക് നായക് ജയ് പ്രകാശ് നാരായണ് ആശുപത്രിയിലെത്തിയാണ് അദ്ദേഹം കുത്തിവെയ്പ്പെടുത്തത്.
അദ്ദേഹത്തിന്റെ മാതാപിതാക്കളും വാക്സിന് സ്വീകരിച്ചു. വാക്സിന് എടുത്തതിനെ തുടര്ന്ന് ആരോഗ്യപ്രശ്നങ്ങള് ഇല്ലെന്നും തങ്ങളുടെ ഊഴം അനുസരിച്ച് എല്ലാവരും വാക്സിന് സ്വീകരിക്കണമെന്നും അദ്ദേഹം പറഞ്ഞു. 52 വയസുകാരനായ പ്രമേഹരോഗിയാണ് കെജ്രിവാള്. രാജ്യത്ത് രണ്ടാംഘട്ട വാക്സിന് വിതരണം ആരംഭിച്ചതോടെയാണ് മുഖ്യമന്ത്രിമാര് ഉള്പ്പെടെ വാക്സിന് സ്വീകരിച്ചത്.
അതേസമയം കഴിഞ്ഞദിവസം രാഷ്ട്രപതി രാംനാഥ് കോവിന്ദ് കോവിഡ് വാക്സിന് സ്വീകരിച്ചു മകളോടൊപ്പം എത്തി ഡല്ഹിയില് ആര്മി ആര് & ആര് ആശുപത്രിയില്നിന്നാണ് പ്രസിഡന്റ് രാം നാഥ് കോവിന്ദ് വാക്സിന് സ്വീകരിച്ചത്.
ചരിത്രത്തിലെ ഏറ്റവും വലിയ വാക്സിനേഷന് ഡ്രൈവ് വിജയകരമായി നടപ്പാക്കുന്ന എല്ലാ ഡോക്ടര്മാര്ക്കും നഴ്സുമാര്ക്കും ആരോഗ്യ പ്രവര്ത്തകര്ക്കും ആശുപത്രി അധികൃതര്ക്കും രാഷ്ട്രപതി നന്ദി അറിയിക്കുകയും യോഗ്യതയുള്ള എല്ലാ പൗരന്മാര്ക്കും പ്രതിരോധ കുത്തിവയ്പ്പ് നടത്താന് അഭ്യര്ത്ഥിക്കുകയും ചെയ്തു.
60വയസിന് മുകളിലുള്ളവര്ക്കും അസുഖബാധിതരായ 45 വയസിന് മുകളിലുള്ളവര്ക്കുമാണ് രണ്ടാംഘട്ടത്തില് വാക്സിന് നല്കുക. ഡല്ഹിയില് ഇതുവരെ 3,27,355 പേരാണ് വാക്സിന് സ്വീകരിച്ചത്. കഴിഞ്ഞദിവസങ്ങളില് പ്രധാനമന്ത്രി നരേന്ദ്രമോദി, ആഭ്യന്തരമന്ത്രി അമിത് ഷാ തുടങ്ങിയവര് കോവിഡ് വാക്സിന് സ്വീകരിച്ചിരുന്നു.
അതിനിടെ കേരളത്തില് മുഖ്യമന്ത്രി പിണറായി വിജയന് കോവിഡ് വാക്സിന് സ്വീകരിച്ചു. ബുധനാഴ്ച രാവിലെ ഭാര്യ കമലയ്ക്കൊപ്പം തൈക്കാട് സര്ക്കാര് ആശുപത്രിയിലെത്തിയാണ് മുഖ്യമന്ത്രി വാക്സിന് സ്വീകരിച്ചത്. വാക്സിന് സ്വീകരിച്ചതിന്റെ ചിത്രവും മുഖ്യമന്ത്രി സോഷ്യല്മീഡിയയില് പങ്കുവെച്ചിട്ടുണ്ട്.
'കോവിഡ് വാക്സിന് ഇന്ന് സ്വീകരിച്ചു. ആശങ്കയില്ലാതെ, ലഭ്യമാകുന്ന മുറയ്ക്ക് എല്ലാവരും വാക്സിനേഷന് സ്വീകരിച്ചു രോഗപ്രതിരോധം തീര്ക്കണം. കോവിഡിനെ നമുക്ക് ഒത്തൊരുമിച്ച് മറികടക്കാം.' ചിത്രം പങ്കുവെച്ച് മുഖ്യമന്ത്രി ഫേസ്ബുക്കില് കുറിച്ചു.
വാക്സിന് സ്വീകരിക്കാന് ആരും മടിക്കരുതെന്നും എല്ലാവരും മുന്നോട്ടുവരണമെന്നും വാക്സിന് എടുത്ത ശേഷം മുഖ്യമന്ത്രി മാധ്യമങ്ങളോട് പറഞ്ഞു. കോവിഡ് വാക്സിനെതിരെ ചില പ്രചരണങ്ങള് നടക്കുന്നുണ്ടെന്നും എന്നാല് സമൂഹം ഇത് അംഗീകരിച്ചിട്ടില്ലെന്നും പറഞ്ഞ മുഖ്യമന്ത്രി ലോകത്ത് പല മാരകരോഗങ്ങളെയും തടത്തുനിര്ത്താന് മനുഷ്യരാശിയെ സജ്ജമാക്കിയത് വാക്സിനുകളാണെന്നും ചൂണ്ടിക്കാട്ടി.
വാക്സിന് സ്വീകരിക്കാന് ആരും മടിക്കരുതെന്നും എല്ലാവരും മുന്നോട്ടുവരണമെന്നും വാക്സിന് എടുത്ത ശേഷം മുഖ്യമന്ത്രി മാധ്യമങ്ങളോട് പറഞ്ഞു. കോവിഡ് വാക്സിനെതിരെ ചില പ്രചരണങ്ങള് നടക്കുന്നുണ്ടെന്നും എന്നാല് സമൂഹം ഇത് അംഗീകരിച്ചിട്ടില്ലെന്നും പറഞ്ഞ മുഖ്യമന്ത്രി ലോകത്ത് പല മാരകരോഗങ്ങളെയും തടത്തുനിര്ത്താന് മനുഷ്യരാശിയെ സജ്ജമാക്കിയത് വാക്സിനുകളാണെന്നും ചൂണ്ടിക്കാട്ടി.
രാജ്യത്തെ രണ്ടാം ഘട്ട വാക്സിനേഷന്റെ ഭാഗമായി സംസ്ഥാനത്തും 60 വയസ് കഴിഞ്ഞവര്ക്കുള്ള കോവിഡ് വാക്സീനേഷന് ഇന്നലെ മുതലാണ് ആരംഭിച്ചത്. 60 വയസിന് മുകളില് പ്രായമുള്ളവര്ക്കും 45 നും 59 നും ഇടയില് പ്രായമുള്ള മറ്റ് രോഗബാധിതര്ക്കുമാണ് വാക്സിനേഷന്. കേന്ദ്ര ആരോഗ്യമന്ത്രാലയത്തിന്റെ മാര്ഗനിര്ദേശമനുസരിച്ച് സര്ക്കാര് ആശുപത്രികളിലും തിരഞ്ഞെടുത്ത സ്വകാര്യ ആശുപത്രികളിലും വാക്സിനെടുക്കാന് സൗകര്യമുണ്ടാകും.
"
https://www.facebook.com/Malayalivartha
