2024ലേക്ക് കടക്കുകയാണ് നാം. ഈ വർഷം ഐശ്വര്യം നിറഞ്ഞതാവട്ടേ, ജീവിതത്തിൽ പുരോഗതി ഉണ്ടാവട്ടേ എല്ലാവർക്കും അഡ്വാൻസ് പുതുവത്സരാശംസകൾ നേരുകയാണ്. പുതുവർഷത്തെ വരവേൽക്കാൻ തയ്യാറെടുത്ത് നിൽക്കുകയാണ് നാം!!! പുതുവത്സരാശംസകൾ നേർന്ന് പ്രധാനമന്ത്രി നരേന്ദ്രമോദി. പ്രധാനമന്ത്രിയുടെ പ്രതിമാസ റേഡിയോ പരിപാടിയായ മൻകീ ബാത്തിലാണ് അദ്ദേഹം ആശംസകളറിയിച്ചത്.

ഈ വർഷം രാജ്യം ഏറെ നേട്ടങ്ങൾ സ്വന്തമാക്കിയെന്ന് അദ്ദേഹം പറഞ്ഞു. ഈ ഊർജം പുതിയ വർഷത്തിലും മുന്നോട്ട് പോകാൻ സഹായിക്കും. കായിക മത്സരങ്ങളിലും, ഓസ്കറിലും ഇന്ത്യ വലിയ നേട്ടങ്ങൾ നേടിയെടുത്തു. പാരീസ് ഒളിംപിക്സിലും രാജ്യം വലിയ നേട്ടങ്ങൾ സ്വന്തമാക്കുമെന്നും മോദി ആത്മവിശ്വാസം പ്രകടിപ്പിച്ചു.

വികസിത ഭാരതത്തന്റെ ഗുണം യുവാക്കൾക്കാണ് കൂടുതൽ ലഭിക്കുക. പുതു വർഷത്തിൽ യുവാക്കൾ ആരോഗ്യത്തിന് പ്രാധാന്യം നൽകണം, ജീവിത ശൈലി രോഗങ്ങളെ കുറിച്ച് ശ്രദ്ധ വേണമെന്നും പ്രധാനമന്ത്രി ഓർമിപ്പിച്ചു. അക്ഷയ് കുമാർ, വിശ്വനാഥന് ആനന്ദ്, ജഗ്ഗി വാസുദേവ് തുടങ്ങിയവർ മൻ കീ ബാതിൽ ഫിറ്റ്നസ് സന്ദേശം നൽകി.

കൂടാതെ മില്ലറ്റ് അടിസ്ഥാനമാക്കിയ സ്റ്റാർട്ടപ്പുകളെ പ്രധാനമന്ത്രി പരിചയപ്പെടുത്തി. ഈ വർഷത്തെ അവസാനത്തെ മൻകീ ബാത് ആണ് ഇന്നത്തേത്. മൻ കീ ബാത്തിന്റെ നൂറ്റിഎട്ടാമത് എഡിഷനാണിത്. രാവിലെ പതിനൊന്ന് മണിക്കാണ് മൻകീ ബാത് ആരംഭിച്ചത്.

പുതുവർഷ പുലരിയിലേക്ക് കടക്കുകയാണ് നാം . പുതിയ പ്രതീക്ഷകൾ, പുതിയ സ്വപ്നങ്ങൾ പുതിയ ആഗ്രഹങ്ങൾ, പുതിയ തീരുമാനങ്ങൾ, ഇതെല്ലാം കൂടെ കൂട്ടി 2024 ലേക്കുള്ള യാത്ര തുടങ്ങി കഴിഞ്ഞിരിക്കുന്നു... കഴിഞ്ഞ വർ‌ഷത്തിലെ എല്ലാ ആകുലതകളും സങ്കടങ്ങളും പാളിച്ചകളും വിഷമ സാഹചര്യങ്ങളും പരാജയങ്ങളും കണ്ണുനീരും മറന്ന് കഴിഞ്ഞ വർ‌ഷത്തിലെ സന്തോഷങ്ങളും നേട്ടങ്ങളും വിജയങ്ങളും കൂടെ കൂട്ടി നല്ലൊരു വർഷം പ്രതീക്ഷിച്ച് കൊണ്ടാണ്നമ്മൾ പുതുവർഷ പുലരിയിലേക്ക് നമ്മൾ കടക്കുന്നത്.

പുതുവർഷത്തിൽ ജീവിതത്തിൽ ഉണ്ടാകുന്ന എല്ലാ സാഹചര്യങ്ങളെയും നേരിട്ട് സന്തോഷത്തോടെയും ധൈര്യത്തോടെയുംആയിരിക്കുക . എല്ലാവർക്കും പുതുവത്സര ആശംസകൾ നേരുന്നു... 2023 നോട് വിടപറഞ്ഞ് 2024 ലേക്ക് എത്തുമ്പോൾ, ഇനിയുള്ള എല്ലാ ദിവസങ്ങളും സന്തോഷം നിറഞ്ഞതാവട്ടെ !!!!