ഹിന്ഡെന്ബര്ഗ് റിപ്പോര്ട്ടില് ഉന്നയിച്ച ആരോപണങ്ങളെക്കുറിച്ച് അന്വേഷണിക്കണമെന്ന ഹര്ജികളില് അദാനി ഗ്രൂപ്പിന് ആശ്വാസം... പ്രത്യേക അന്വേഷണം വേണമെന്ന ആവശ്യം സുപ്രീംകോടതി തള്ളി....സെബിയുടെ അന്വേഷണത്തിന് മൂന്ന് മാസത്തെ സമയം കൂടി അനുവദിച്ചു
ഹിന്ഡെന്ബര്ഗ് റിപ്പോര്ട്ടില് ഉന്നയിച്ച ആരോപണങ്ങളെക്കുറിച്ച് അന്വേഷണിക്കണമെന്ന ഹര്ജികളില് അദാനി ഗ്രൂപ്പിന് ആശ്വാസ വിധി. ആരോപണങ്ങളില് പ്രത്യേക അന്വേഷണം(എസ്.ഐ.ടി അന്വേഷണം) വേണമെന്ന ആവശ്യം സുപ്രീംകോടതി തള്ളി. സെബി അന്വേഷണം തുടരാമെന്ന് വ്യക്തമാക്കിയ സുപ്രീംകോടതി, മൂന്ന് മാസത്തിനുള്ളില് അന്വേഷണം പൂര്ത്തിയാക്കാന് നിര്ദേശം നല്കി.
ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ചാണ് ഹര്ജികള് പരിഗണിച്ചത്. മാധ്യമറിപ്പോര്ട്ടുകളുടെ അടിസ്ഥാനത്തില് നടപടിയെടുക്കണമെന്ന് സെബിയോട് (സെക്യൂരിറ്റീസ് ആന്ഡ് എക്സ്ചേഞ്ച് ബോര്ഡ് ഓഫ് ഇന്ത്യ) നിര്ദേശിക്കാനാവില്ലെന്ന് സുപ്രീംകോടതി വ്യക്തമാക്കിയിട്ടുണ്ടായിരുന്നു.
അതേസമയം ഓഹരി വിപണിയിലെ സുതാര്യതയ്ക്ക് വിദഗ്ധ സമിതി നല്കിയ ശുപാര്ശകള് നടപ്പാക്കണം.അന്വേഷണാത്മക പത്ര പ്രവര്ത്തനം വഴി വരുന്ന ഇത്തരം റിപ്പോര്ട്ടുകള് സെബി പരിഗണിക്കണം. ഇത് തെളിവായി കണക്കാക്കാനായി ആവില്ലെന്ന് കോടതിവ്യക്തമാക്കി. ഹിന്ഡന്ബര്ഗ് റിപ്പോര്ട്ട് ഓഹരി വിപണിയെ സ്വാധീനിച്ചോ എന്ന ആരോപണവും പരിശോധിക്കണം.
സെബിയുടെ അന്വേഷണത്തിന് മൂന്ന് മാസത്തെ സമയം കൂടി അനുവദിച്ചു.ഹര്ജിക്കാരെ കോടതി വിമര്ശിച്ചു.ന്യായമായ വിഷയങ്ങള് കൊണ്ടുവരാനാണ് പൊതുതാല്പര്യ ഹര്ജി.ആധികാരികമല്ലാത്ത റിപ്പോര്ട്ടുകളുടെ അടിസ്ഥാനത്തില് പൊതുതാല്പര്യ ഹര്ജികള് നല്കരുതെന്നും കോടതി .
https://www.facebook.com/Malayalivartha
