കശ്മീരിലെ അശാന്തി: പ്രധാനമന്ത്രി പ്രസ്താവന നടത്തണമെന്ന് പ്രതിപക്ഷം
അടങ്ങാത്ത കാശ്മീര്. കശ്മീരില് സംഘര്ഷത്തില് മൗനം പാലിക്കുന്ന പ്രധാനമന്ത്രി നരേന്ദ്രമോഡിക്കെതിരെ പ്രതിപക്ഷം. പ്രശ്നത്തില് മോഡി മൗനം വെടിഞ്ഞ് പ്രതികരിക്കണമെന്ന് പ്രതിപക്ഷ കക്ഷികള് രാജ്യസഭയില് ആവശ്യപ്പെട്ടു. ഇത്തരം സാഹചര്യത്തില് സര്ക്കാര് ഉണര്ന്നു പ്രവര്ത്തിക്കണം. സ്ഥിതി മോശമാകുമ്പോള് സര്ക്കാരും പ്രധാനമന്ത്രിയും കാഴ്ചക്കാരായി മാറിനില്ക്കുന്ന അവസ്ഥയാണെന്നും കോണ്ഗ്രസ് നേതാവ് ഗുലാം നബി ആസാദ് കുറ്റപ്പെടുത്തി.
പ്രശ്നപരിഹാരത്തിന് സര്വകക്ഷിയോഗം വിളിക്കണം. പ്രധാനമന്ത്രിയുടെ മൗനത്തെ കശ്മീരിലെ ജനത ആശ്ചര്യത്തോടെയാണ് നോക്കികാണുന്നത്. പ്രധാനമന്ത്രിയുടെ വാക്കുകള് കേള്ക്കാണ് ജനം കാത്തിരിക്കുന്നത്. കശ്മീര് ജനതയ്ക്കെതിരെ പെല്ലറ്റ് തോക്കുകള് ഉപയോഗിക്കുന്നത് അവസാനിപ്പിക്കണം. കശ്മീര് താഴ്വരയില് നിന്ന് എ.എഫ്.പി.എസ്.എ പിന്വലിക്കണം. സിവിലിന് മേഖലകളില് സൈന്യത്തിന്റെ ആധിപത്യം അവസാനിപ്പിക്കണമെന്നും അംഗങ്ങള് ആവശ്യപ്പെട്ടു.
പ്രക്ഷോഭകര്ക്കെതിരെ സൈന്യം പെല്ലറ്റ് തോക്കുകള് ഉപയോഗിക്കുന്നത് ഗുരുതരമായ മനുഷ്യാവകാശ ലംഘനമാണ്. ഇതുവരെ 8000 പേര്ക്കാണ് പരുക്കേറ്റിരിക്കുന്നത്. 410 പേരുടെ കണ്ണുകള് തകര്ന്നു. 1650 ഓളം പേര്ക്ക് ശസ്ത്രക്രിയകള് വേണ്ടിവന്നു. 1000 ഓളം യുവാക്കളാണ് ജയിലുകളില് കഴിയുന്നത്. 1018 ഓളം തവണ സംഘര്ഷമുണ്ടായി. സംഘര്ഷത്തെ വെറുമൊരു ക്രമസമാധാന പ്രശ്നമായി സര്ക്കാര് കാണരുതെന്നും ഗുലാം നബി ആസാദ് വ്യക്തമാക്കി. സൈന്യത്തിന്റെ നടപടി മനുഷ്യത്വരഹിതവും കുറ്റകരവുമാണെന്നും സി.പി.എം നേതാവ് സിതാറാം യെച്ചൂരിയും ചൂണ്ടിക്കാട്ടി.
https://www.facebook.com/Malayalivartha