തലസ്ഥാന നഗരിയില്‍ പെണ്കുട്ടികള്‍ക്കെതിരെയുള്ള പീഡനം തുടര്‍ക്കഥയാവുന്നു. പെണ്‍കുട്ടിയെ ബസിനകത്തു വച്ച് കൂട്ടബലാല്‌സംഗത്തിനിടയായ സാഹചര്യം മുതല്‍ സ്ത്രീകള്‍ക്കെതിരെ ഉള്ള അതിക്രമങ്ങള്‍ ചെറുത്ത് നില്‍ക്കുന്നതിനു ശ്രമിക്കുന്നുണ്ടെങ്കിലും യാതൊരു മാറ്റവുമില്ലെന്നാണ് വാര്‍ത്തകള്‍ തെളിയിക്കുന്നത്.
ഗുഡ്ഗാവ് സ്വദേശിയായ പത്താം ക്ലാസ്സുകാരിയാണ് ക്രൂരമായി പീഡനത്തിനിരയായത്. ഗുഡ്ഗാവിനടുത്ത് കല്‍ക്കാജി പ്രദേശത്താണ് രണ്ടു ദിവസം പെണ്‍കുട്ടി കാമഭ്രാന്തന്മാരുടെ ക്രൂരതക്കിരയായത്.
പെണ്‍കുട്ടി സ്‌കൂളില്‍ നിന്ന് വീട്ടിലേക്കു ബസില്‍ വരുന്ന വഴി പരിചയക്കാരനായ കരണ്‍ സിംഗ് എന്ന യുവാവ് പെണ്‍കുട്ടിയെ ബസില്‍ നിന്നുമിറക്കി. സുഹൃത്തായ സഞ്ജയ് നെയും കൂട്ടുപിടിച്ച് പെണ്‍കുട്ടിയെ കരണ്‍ സിംഗിന്റെ വീട്ടിലെത്തിച്ച് രണ്ടു ദിവസം തടവിലാക്കി നിരന്തരമായി പീഡിപ്പിക്കുകയായിരുന്നു.
രണ്ടു ദിവസത്തിന് ശേഷം വീട്ടിലെത്തിയ പെണ്‍കുട്ടി വീട്ടുകാരോട് സംഭവം പറഞ്ഞതിനെ തുടര്‍ന്ന് പോലീസില്‍ പരാതി നല്‍കി. പീഡന ദൃശ്യങ്ങള്‍ പകര്‍ത്തിയ ഇവര്‍ സംഭവം പുറത്തു പറഞ്ഞാല്‍ ദൃശ്യങ്ങള്‍ പുറത്തു വിടുമെന്ന് പറഞ്ഞു ഭീഷണിപ്പെടുത്തിയാതായി പെണ്‍കുട്ടി വീട്ടുകാരോട് പറഞ്ഞു. സംഭവത്തിനു ശേഷം പ്രതികളായ കരണും സഞ്ജയ്‌യും ഒളിവിലാണ്.