കൊച്ചിയില് എടിഎം തകര്ക്കാന് സഹായിച്ച കൂട്ടുപ്രതിയെ കൊന്നത് പിടിക്കപ്പെടുമെന്ന ഭയത്താല്, ഇതിനു മുന്പും എടിഎം തകര്ക്കാന് ശ്രമിച്ചിരുന്നു എന്ന് പ്രതിയുടെ മൊഴി
കൊച്ചിയില് എടിഎം മോഷണക്കേസില് അറസ്റ്റിലായ പ്രതി സഹായിയെ കൊലപ്പെടുത്താന് കാരണം പിടിക്കപ്പെടുമെന്ന ഭയത്താലാണെന്നു പൊലീസിന് മൊഴി നല്കി.എറണാകുളം വാഴക്കാലയിലെ എടിഎം തകര്ക്കാന് ശ്രമിക്കുന്നതിന്റെ ദൃശ്യങ്ങള് വന്നതോടെയാണ് ഇവരെ പിടികൂടാന് പോലീസിനെ സഹായിച്ചത്. എടിഎം തകര്ക്കാന് ശ്രമിക്കുന്നതിന്റെ ദൃശ്യങ്ങളില് പ്രതികളുടെ മുഖം വ്യക്തമായതിനെ തുടര്ന്ന് നടത്തിയ അന്വേഷണത്തിലാണ് പ്രതിയെ പോലീസ് പിടിച്ചത്.
പിടിക്കപ്പെടുമെന്നു ഭയന്നാണ് കൂട്ടുപ്രതിയെ കൊലപ്പെടുത്തിയതെന്നാണു അറസ്റ്റിലായ മുര്സ്ലീം അന്സാരി മൊഴി നല്കി. വാഴക്കാലയിലെ ദൃശ്യങ്ങള് പുറത്തുവന്നതോടെ പിടിക്കപ്പെടുമെന്ന ഭയമായി. കൂട്ടുപ്രതിയായ മുഹമ്മദ് ഇമ്രാനുമായി ഇതേച്ചൊല്ലി വാക്കുതര്ക്കമായി. ഒടുവില് കൈവശമുണ്ടായിരുന്ന ആയുധം ഉപയോഗിച്ച് കൊലപ്പെടുത്തിയെന്നും മൃതദേഹം ചാക്കില്ക്കെട്ടി ലോഡ്ജ് മുറിയില് സൂക്ഷിച്ചെന്നുമാണ് മൊഴി നല്കിയത്. മൃതദേഹം കായലില് ഉപേക്ഷിച്ചതിന് ശേഷം നാടുകടക്കാനായിരുന്നു പദ്ധതിയെന്നും മുര്സ്ലീം അന്സാരി മൊഴി നല്കിയത്.
ബംഗാളുകാരനായ മുഹമ്മദ് ഇമ്രാനും,ഉത്തര്പ്രദേശുകാരന് അന്സാരിയും. കൂലിപ്പണിക്കായി സ്വന്തം നാടുവിട്ട് കൊച്ചിയിലെത്തിയതാണ് ഇരുവരും.കൊച്ചിയില് വച്ച് നാലു കൊല്ലം മുമ്പാണ് ഇരുവരും പരിചയപ്പെട്ടത്. പെട്ടെന്ന് പണക്കാരാനാവാന് മോഹിച്ചാണ് ഇരുവരും മോഷണത്തിലേക്ക് തിരിഞ്ഞത്. കഴിഞ്ഞ നാലു വര്ഷത്തിനിടെ ഏഴു മോഷണ ശ്രമങ്ങള് ഇരുവരും ചേര്ന്ന് നടത്തിയെന്ന് അന്സാരി പൊലീസിനോട് സമ്മതിച്ചു.
അവസാന പ്രതീക്ഷയായിരുന്നു വാഴക്കാലയിലെ എടിഎം മോഷണം. എന്നാല് അതും പൊളിഞ്ഞു. പണം കിട്ടിയില്ലെന്നു മാത്രമല്ല രണ്ടുേപരുടെയും ചിത്രങ്ങള് സിസിടിവി കാമറയില് പതിയുകയും ചെയ്തു. മാധ്യമങ്ങളിലൂടെ ദൃശ്യങ്ങള് പുറത്തുവന്നതോടെ പുറത്തിറങ്ങാനാവാത്ത സ്ഥിതിയുമായി. കുന്നുംപുറത്തെ ലോഡ്ജില് ഒളിവില് കഴിഞ്ഞ് മദ്യപിക്കുന്നതിനിടെ മോഷണശ്രമങ്ങള് പരാജയപ്പെടുന്നതിനെ ചൊല്ലി ഇരുവരും പരസ്പരം പഴിചാരി. തുടര്ന്നുണ്ടായ ഏറ്റുമുട്ടലിനിെട ഇമ്രാനെ കൊല്ലുകയായിരുന്നെന്ന് അന്സാരി പൊലീസിേനാട് പറഞ്ഞു. അറസ്റ്റിലായ പ്രതിയെ ഇന്നു കോടതിയില് ഹാജരാക്കും
https://www.facebook.com/Malayalivartha
