പുതുവര്‍ഷത്തില്‍ കേരളത്തില്‍ 4 ജി സേവനം ആരംഭിക്കുമെന്ന് ബിഎസ്എന്‍എല്‍. 4ജി ആരംഭിക്കുന്ന ബിഎസ്എന്‍എല്ലിന്റെ ആദ്യ സര്‍ക്കിളായി കേരളം മാറുമെന്ന് ബിഎസ്എന്‍എല്‍ ചെയര്‍മാനും മാനേജിങ് ഡയറക്ടറുമായ അനുപം ശ്രീവാസ്തവ പറഞ്ഞു. കേരളത്തിന് പിന്നാലെ ഒഡിഷയിലും 4ജി സേവനം ആരംഭിക്കും.

4 ജി വിക്ഷേപണം മൊബൈല്‍ ഉപയോക്താക്കള്‍ക്ക് വേഗതയുള്ള ഡാറ്റാ ആസ്വദിക്കാന്‍ കഴിയുമെന്ന് ശ്രീവാസ്തവ അറിയിച്ചു. 4 ജി സേവനങ്ങളുടെ പ്രാരംഭ വിക്ഷേപണത്തിന് 2100 മെഗാഹെര്‍ട്‌സ് ബാന്‍ഡില്‍ ഇപ്പോള്‍ തന്നെ 5 എംഎച്ച്എസ് സ്‌പെക്ട്രം ഉണ്ട്. എന്നാല്‍ 4ഏ സേവനം രാജ്യത്തിന്റെ കൂടുതല്‍ ഭാഗങ്ങളിലേക്ക് വ്യാപിപ്പിക്കാന്‍ ബിഎസ്എന്‍എല്‍ അധിക സ്‌പെക്ട്രം ആവശ്യപ്പെടും. ഇതിനായി 2100 മെഗാഹെട്‌സ് ബാന്‍ഡില്‍ ബിഎസ്എന്‍എല്‍ മറ്റൊരു 5 മെഗാഹെര്‍ട്‌സ് സ്‌പെക്ട്രം ആവശ്യപ്പെടുന്നുണ്ട്.

5 മെഗാഹെര്‍ട്‌സ് സ്‌പെക്ട്രം കൂടി വരുന്നതോടെ ബാംഗ്ലൂരിലും ഹൈദരാബാദിലും മറ്റ് സ്ഥലങ്ങളിലും തുടക്കം കുറിക്കും. അതിനാല്‍ 2 ജി, 3 ജി, 4 ജി എന്നിവ മെച്ചപ്പെട്ട ഡാറ്റ ശേഷിയാകുമെന്നും ശ്രീവാസ്തവ കൂട്ടിച്ചേര്‍ത്തു. ബിഎസ്എന്‍എല്ലിന് (മുംബൈ, ദല്‍ഹി സര്‍ക്കിളുകള്‍ ഒഴികെയുള്ള) 10 കോടി മൊബൈല്‍ ഉപഭോക്താക്കളാണ്.
2018 മാര്‍ച്ചോടെ 10,000 ലധികം 4 ജി മൊബൈല്‍ ടവറുകള്‍ സ്ഥാപിക്കാനാണ് ലക്ഷ്യമിടുന്നത്. അധിക സ്‌പെക്ട്രം വരുന്നതോടെ ഈ എണ്ണം കൂടിവരികയാണെന്നും അദ്ദേഹം കൂട്ടിച്ചേര്‍ത്തു. 4 ജി സേവനങ്ങള്‍ക്ക് പ്രത്യേകം ബ്രാന്‍ഡ് ഐഡന്റിറ്റി ഉണ്ടായിരിക്കാനാണ് കമ്പനി ഉദ്ദേശിക്കുന്നതെന്ന് ശ്രീവാസ്തവ പറഞ്ഞു. സേവനങ്ങളുടെ റോള്‍ ഔട്ട് സമയത്ത് ഇത് പ്രഖ്യാപിക്കുമെന്നും അദ്ദേഹം അറിയിച്ചു.