സുരക്ഷാകാര്യങ്ങളുടെ പേര് പറഞ്ഞ് ഭാര്യയുടെ കെട്ട്താലിവരെ അഴിപ്പിച്ചു; പ്രാദേശിക ഭാഷയില് സംസാരിക്കാന് അനുവദിച്ചില്ല
പാക്കിസ്ഥാനില് തടവില് കഴിയുന്ന കുല്ഭൂഷണ് ജാദവിനെ കാണാന് ചെന്ന കുടുംബാംഗങ്ങളെ പാക്കിസ്ഥാന് അപമാനിച്ചതായി വിദേശകാര്യമന്ത്രാലയം അറിയിച്ചു. ഭാര്യ ചേതനയും അമ്മ അവന്തിയുമാണ് സന്ദര്ശിക്കാന് ചെന്നത്. സുരക്ഷാകാര്യങ്ങളുടെ പേര് പറഞ്ഞ് ഭാര്യയുടെ കെട്ട്താലിവരെ അഴിപ്പിച്ചു. പ്രാദേശിക ഭാഷയില് സംസാരിക്കാന് അനുവദിച്ചില്ല. കുടുംബത്തിന്റെ വിശ്വാസത്തെയും ആചാരത്തെയും അപമാനിക്കണമെന്ന് ആവശ്യപ്പെട്ടു. ഭാര്യയുടെയും അമ്മയുടെയും വസ്ത്രങ്ങള് അഴിച്ച്മാറ്റി പരിശോധിച്ചു. ചെരുപ്പ് ഊരിമാറ്റി. പിന്നീട് ഇത് ചോദിച്ചപ്പോള് ഉദ്യോഗസ്ഥര് നല്കിയില്ല.
കുടുംബത്തോടൊപ്പം ഇന്ത്യന് ഡെപ്യൂട്ടി ഹൈക്കമിഷണറെ കടത്തിവിട്ടില്ല. കുല്ഭൂഷണെ കണ്ണാടിക്കൂട്ടിലിരുത്തിയാണ് സംസാരിപ്പിച്ചത്. അമ്മയും ഭാര്യയും മറാത്തിയില് സംസാരിക്കാന് ശ്രമിച്ചപ്പോള് ഉദ്യോഗസ്ഥര് തടസപ്പെടുത്തി. അന്താരാഷ്ട്ര കോടതിയില് പാക്കിസ്ഥാന് നല്കിയ ഉറപ്പുകളുടെ ലംഘനമാണിതെന്നും ഇക്കാര്യം കോടതിയില് ചൂണ്ടിക്കാട്ടുമെന്നും വിദേശകാര്യമന്ത്രാലയം അറിയിച്ചു. പാക് മാധ്യമങ്ങള് കുല്ഭൂഷന്റെ കുടുംബത്തെ കൂവി വിളിച്ചാണ് വരവേറ്റത്. മാധ്യമങ്ങളെ സന്ദര്ശന സമയത്ത് അനുവദിക്കില്ലെന്ന് പാക്കിസ്ഥാനന് നേരത്തെ അറിയിച്ചിരുന്നു.
പാക്കിസ്ഥാന്റെ വിദേശകാര്യമന്ത്രാലം ഓഫീസിലായിരുന്നു കൂടിക്കാഴ്ച. 22 മാസത്തിന് ശേഷമാണ് കുല്ഭൂഷണ് കുടുംബത്തെ കണ്ടത്. കനത്തസുരക്ഷയാണ് ഒരുക്കിയത്. വീട്ടുകാരെ കാണാന് കഴിഞ്ഞതില് കുല്ഭൂഷണ് നന്ദി അറിയിച്ചതായി പാക് വിദേശകാര്യമന്ത്രാലയം അറിയിച്ചു. കുല്ഭൂഷണെ കൊണ്ട് പാക്കിസ്ഥാന് നുണപ്രചരണം നടത്തുകയാണെന്ന് ഇന്ത്യന് വിദേശകാര്യമന്ത്രാലയം അറിയിച്ചു. കുല്ഭൂഷണ് ജാദവിന്റെ ആരോഗ്യസ്ഥിതിയില് ആശങ്കയുണ്ടെന്നും മന്ത്രാലയം അറിയിച്ചു. പാക്കിസ്ഥാനില് നിന്ന് മടങ്ങിയെത്തിയ കുടുംബം ഇന്ന് രാവിലെ വിദേശകാര്യമന്ത്രി സുഷമാ സ്വരാജിനെ കണ്ടിരുന്നു. മുന് നേവി ഉദ്യോഗസ്ഥനായ കുല്ഭൂഷണ് ജാദവ് ചാരപ്രവര്ത്തനം നടത്തിയെന്ന് ആരോപിച്ച് പാക് കോടതി വധശിക്ഷ വിധിച്ചിരിക്കുകയാണ്.
https://www.facebook.com/Malayalivartha