സ്വന്തം കുട്ടിയുടെ അച്ഛനാരെന്നറിയാതെ അലയുകയാണ് ഓസ്‌ട്രേലിക്കാരിയായ ഒരു യുവതി. ആരും ഉത്തരം നല്‍കാതായതോടെ യുവതി പരസ്യം നല്‍കുകയും ചെയ്തു. 25കാരിയായ ബിയാങ്ക ഫേസി ഇതോടെ മാധ്യമങ്ങളില്‍ നിറയുകയും ചെയ്തു.
കഴിഞ്ഞ വര്‍ഷത്തില്‍ ഒരു യുവാവുമൊന്നിച്ച് യുവതി അന്തിയുറങ്ങിയിരുന്നു. ഈ ബന്ധത്തില്‍ താന്‍ ഗര്‍ഭിണിയായ വിവരം അല്‍പ്പം കഴിഞ്ഞാണ് യുവതി തിരിച്ചറിഞ്ഞത്. ഇതോടെ യുവാവിനായുള്ള തിരച്ചിലും ആരംഭിക്കുകയായിരുന്നു. കുറെ അന്വേഷിച്ചെങ്കിലും ഒരു വിവരവും ലഭിച്ചില്ല. ഇയാളുടെ പേരോ നാടോ പോലും വ്യക്തമായി ബിയാങ്കോയ്ക്ക് അറിയില്ലെന്നതാണ് വസ്തുത. 
അഞ്ചു മാസത്തോളം അന്വേഷിച്ചു നടന്നെങ്കിലും ഒരു തുമ്പും കിട്ടിയില്ല. പേര് ജറമി എന്നു മാത്രമെ ഓര്‍മ്മയുള്ളൂ. ഒടുവില്‍ അവസാന ശ്രമമെന്ന നിലയില്‍ കുഞ്ഞിന്റെ അച്ഛനെ തേടി ഒരു പരസ്യം നല്‍കാന്‍ ബിയാന്‍കോ തീരുമാനിക്കുകയായിരുന്നു. പരസ്യം കണ്ട് ബന്ധപ്പെട്ടവരില്‍ നിന്നെല്ലാം കടുത്ത വിമര്‍ശനവും അപ്രതീക്ഷിത പ്രതികരണവുമാണ് ലഭിച്ചതെന്ന് യുവതി പറഞ്ഞു.
അച്ഛനുവേണ്ടിയുള്ള കാത്തിരിപ്പിനിടെ രണ്ടു മാസം മുമ്പ് യുവതി ലോഗന്‍ ഫേസി എന്നു പേരിട്ട കുഞ്ഞിനു ജന്മം നല്‍കി. ജനിച്ചുവീണയുടന്‍ മരണത്തോട് മല്ലിട്ട ലോഗനെ ഡോക്ടര്‍മാര്‍ അരമണിക്കൂര്‍ പണിപ്പെട്ടാണ് ജീവിതത്തിലേക്ക് തിരിച്ചു കൊണ്ടുവന്നത്. ഈ പ്രതിസന്ധി തരണം ചെയ്ത ബിയാന്‍കോ ജീവിതം സാധാരണ നിലയിലായതോടെ വീണ്ടും അച്ഛനായുള്ള തിരച്ചില്‍ പുനരാംഭിച്ചിരിക്കുകയാണിപ്പോള്‍. 
കുഞ്ഞിന്റെ അച്ഛനെ തേടിയുള്ള യുവതിയുടെ പരസ്യം സോഷ്യല്‍ മീഡിയയിലും യുവതിയെ വിമര്‍ശന പാത്രമാക്കിയിട്ടുണ്ട്. ഇവര്‍ക്ക് ഒരു അമ്മയാകാന്‍ യോഗ്യതയില്ലെന്നും പണത്തിനു വേണ്ടിയാണ് ഈ കഥ പറഞ്ഞ നടക്കുന്നതെന്നുമാണ് ആരോപണങ്ങള്‍. 
അതേസമയം ആരൊക്കെ എന്തൊക്കെ പറഞ്ഞാലും ഇപ്പോഴും അവര്‍ കുഞ്ഞിന്റെ അച്ഛനെ തേടിക്കൊണ്ടിരിക്കുകയാണ്. ആരാണെന്നറിയാന്‍ ജിജ്ഞാസയുണ്ട്. വളര്‍ന്നു വരുമ്പോള്‍ ലോഗനും അച്ഛന്‍ ആരാണെന്ന് അറിയാന്‍ ആഗ്രമുണ്ടാകുമെന്നും ബിയാന്‍കോ പ്രതികരിച്ചു. കുഞ്ഞിന്റെ അച്ഛനെ കണ്ടെത്താനുള്ള ശ്രമങ്ങള്‍ നാട്ടുകാരുടെ വിമര്‍ശനത്തിനിടയാക്കിയെങ്കിലും തനിക്ക് കുടുംബത്തിന്റേയും സുഹൃത്തുക്കളുടേയും പൂര്‍ണ പിന്തുണയുണ്ടെന്നും യുവതി പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha